హైదరాబాద్, మే 30: తెలంగాణలో రెండు, ఆంధ్రలో నాలుగు రాజ్యసభ స్థానాలకు అభ్యర్థులు మంగళవారం నామినేషన్లు దాఖలు చేయనున్నారు. నామినేషన్ల దాఖలుకు రెండు రాష్ట్రాల్లోనూ మంగళవారం చివరి రోజు. తెలంగాణలో పోటీలేకుండా ఇప్పటికే ఎన్నికలు ఏకగ్రీవమని తేలిపోయింది. తెలంగాణలోని రెండు స్థానాలనూ తెరాస అభ్యర్థులు ధర్మపురి శ్రీనివాస్, కెప్టెన్ లక్ష్మీకాంతరావు కైవసం చేసుకోనున్నారు.

హైదరాబాద్: రాజ్యసభకు తెలంగాణ నుంచి జరిగే ఎన్నికలకు తెరాస అభ్యర్థులుగా ఎంపికైన డి.శ్రీనివాస్, కెప్టెన్ లక్ష్మీకాంతరావు మంగళవారం నామినేషన్లు వేస్తారు. మంచి అభ్యర్థులను సిఎం కెసిఆర్ ఎంపిక చేశారని మంత్రి నాయిని అన్నారు. తమ అభ్యర్థులిద్దరూ ఏకగ్రీవంగా ఎన్నిక కావడం లాంఛన ప్రాయమని మరో మంత్రి ఈటల రాజేందర్ తెలిపారు.

నల్గొండ: డబ్బు కోసం వ్యభిచారం చేయాలంటూ సొంత తల్లి, భర్త వేధించడంతో బిటెక్ చదువుతున్న ఝాన్సీ అనే వివాహిత ఆత్మహత్య చేసుకుంది. నకిరేకల్ మండలం నోములలో ఈ ఘోరం జరిగింది. నాలుగు లక్షల రూపాయల బాకీ తీర్చలేనందుకు విజేందర్ రెడ్డి అనే వ్యక్తితో ఝాన్సీకి ఆమె తల్లి పెళ్లి చేసింది. వ్యభిచారం చేయమని తల్లి, భర్త వేధించడంతో తనకు విజేందర్ రెడ్డి నుంచి విడాకులు కావాలని ఝూన్సీ అడిగింది.

హైదరాబాద్: తెలంగాణలో చేపట్టిన మిషన్ కాకతీయ మూడో దశ పనులకు ఈ ఏడాదిలోగా టెండర్ల ప్రక్రియ పూర్తి కావాలని, అన్ని వివరాలూ ఆన్‌లైన్‌లో పారదర్శకంగా ఉండాలని మంత్రి హరీష్‌రావు అధికారులను ఆదేశించారు. ఆయన సోమవారం ఇక్కడ నీటి పథకాలు, మిషన్ కాకతీయ, భూ సేకరణ అంశాలపై జరిగిన సమీక్షలో పాల్గొన్నారు. మూడుసార్లు పిలిచినా కాంట్రాక్టర్లు రాకుంటే సంబంధిత పనులకు వేరే మార్గాలు అనే్వషించాలన్నారు.