న్యూఢిల్లీ : నేషనల్ హెరాల్డ్ అంశంపై రెండవరోజు రాజ్యసభలో కాంగ్రెస్ సభ్యులు ఆందోళన కొనసాగించారు. సోనియాగాంధీ, రాహుల్‌గాంధీలపై కేంద్ర ప్రభుత్వం కక్ష సాధింపు చర్యలకు పాల్పడుతుందని అన్నారు. కాంగ్రెస్ సభ్యుల ఆందోళనతో సభలో గందరగోళం నెలకొనటంతో సభను వాయిదా వేశారు.

చెన్నై:బంగాళాఖాతంలో అల్పపీడనం ద్రోణి ప్రభావంతో తమిళనాడులో చెన్నై సహా 13 తీర ప్రాంత జిల్లాల్లో మళ్లీ వర్షం కురుస్తోంది. దీంతో జనంలో ఆందోళన నెలకొంది. వరద ముప్పునుంచి ఇప్పుడిప్పుడే చెన్నై నగరం తేరుకుంటున్న సమయంలో చిరుజల్లులు పడడంతో అధికారులు అప్రమత్తమయ్యారు. భారీ వర్షాలు కురిసే అవకాశం లేదని వాతావరణ శాఖ చెబుతోంది. ఎనిమిది జిల్లాల్లో విద్యా సంస్థలకు ప్రభుత్వం సెలవు ప్రకటించింది.

చెన్నై, డిసెంబర్ 8: తమిళనాడులో వరదలకు అతలాకుతలమైన ప్రాంతంలో సహాయ కార్యక్రమాలను రాష్ట్ర ప్రభుత్వం ముమ్మరం చేసింది. చెన్నై, కాంచీపురం, తిరువల్లూర్, కడలూర్ జిల్లాల్లో అంటు వ్యాధులు ప్రబలకుండా రెండువేల టన్నుల బ్రీచింగ్ పౌడరు, కోటికి పైగా క్లోరిన్ బిళ్లలు ప్రజలకు పంపిణీ చేస్తున్నారు. బాధితులను అన్ని విధాలా ఆదుకుంటామని తమిళనాడు ముఖ్యమంత్రి జయలలిత ప్రకటించారు.

న్యూఢిల్లీ, డిసెంబర్ 8: నేషనల్ హెరాల్డ్ పత్రిక కేసులో తమ అధినాయకులు సోనియా గాంధీ, రాహుల్ గాంధీని ఇరికించేందుకు ఎన్‌డిఏ ప్రభుత్వం కుట్ర చేస్తోందని కాంగ్రెస్ ఎంపీలు మంగళవారం పార్లమెంటు ఉభయ సభలను స్తంభింపజేశారు. పార్లమెంటు శీతాకాల సమావేశాలను కొనసాగనిచ్చే ప్రసక్తే లేదని ప్రకటించారు.