కోల్‌కత: పశ్చిమబెంగాల్ అసెంబ్లీ ఎన్నికల్లో నాల్గో విడత పోలింగ్ సోమవారం ఉదయం 7 గంటలకు ప్రారంభమైంది. ఈ విడతలో 345 మంది అభ్యర్థులు రంగంలో ఉండగా, ఏడుగురు మంత్రులు పోటీలో ఉన్నారు. మూడో విడత పోలింగ్‌లో హింస చోటుచేసుకోవడంతో సోమవారం నాటి పోలింగ్ సందర్భంగా విస్తృత బందోబస్తు ఏర్పాట్లు చేశారు.

న్యూఢిల్లీ, ఏప్రిల్ 24: పోలవరం జాతీ య ప్రాజెక్టును సకాలంలో పూర్తి చేసేందుకు చిత్తశుద్ధితో కృషి చేస్తున్నామని కేంద్ర జలవనరుల శాఖ మంత్రి ఉమాభారతి తెలిపారు. ప్రాజెక్టు విషయంలో ఎదురవుతున్న కొన్ని సమస్యలను పరిష్కరించుకునేందుకు తానే స్వయంగా ఆర్థిక శాఖను సంప్రదిస్తానని హామీ ఇచ్చారు. ఆంధ్రప్రదేశ్ ముఖ్యమంత్రి చంద్రబాబు ఆదివారం ఉమాభారతితో భేటీ అయి పోలవరం ప్రాజెక్టు గురించి చర్చించారు.

న్యూఢిల్లీ,ఏప్రిల్ 24: ఆంధ్రప్రదేశ్ విభజన చట్టం , రాష్ట్రానికి ఇచ్చిన హామీలు, కరువుపై పార్లమెంట్ సమావేశాలలో చర్చిస్తామని టీడీపి ఏంపీ తోట నర్సింహం అన్నారు. సోమవారం నుండి పార్లమెంటు ప్రారంభంకానున్న నేపధ్యంలో ఆదివారం స్పీకర్ సుమిత్రా మహాజన్ అధ్యక్షాతన జరిగిన అఖిలపక్ష సమావేశానికి తోట నర్సింహం హాజరయ్యారు.

న్యూఢిల్లీ, ఏప్రిల్ 24: పార్లమెంటు రెండో విడత బడ్జెట్ సమావేశాలు ఎంతమాత్రం సజావుగా సాగేట్లు కనిపించటం లేదు. అధికార పక్షం, విపక్షం ఒకరిపై ఒకరు కత్తులు నూరుకుంటున్న తీవ్రమైన పరిస్థితి నెలకొంది. ఇషత్ జహాన్ ఎన్‌కౌంటర్ వ్యవహారంలో అఫిడవిట్‌ను మార్చిన వ్యవహారం అధికార బీజేపీ అందిపుచ్చుకుంటే.. ప్రధాన ప్రతిపక్షం కాంగ్రెస్‌కు అత్యంత తాజాగా ఉత్తరాఖండ్ వ్యవహారం బ్రహ్మాస్త్రంగా చేతికందివచ్చింది.