పుదుచ్చేరి: కాంగ్రెస్ శాసనసభా పక్షం నేతగా ఎన్నికైన నారాయణ స్వామి మంత్రివర్గాన్ని ఏర్పాటు చేసేందుకు సిద్ధమేనని లెఫ్ట్‌నెంట్ గవర్నర్ కిరణ్ బేడీని సోమవారం కలిసిన సందర్భంగా తెలిపారు. పుదుచ్చేరి అసెంబ్లీ ఎన్నికల్లో కాంగ్రెస్, డిఎంకె కూటమి మెజారిటీ సీట్లను సాధించిన సంగతి తెలిసిందే. ఈ నేపథ్యంలో ముఖ్యమంత్రి అభ్యర్థిగా నారాయణస్వామి పేరును కాంగ్రెస్ హైకమాండ్ ఇదివరకే ఖరారు చేసింది.

లక్నో: రెండు రోజులుగా కురుస్తున్న భారీ వర్షాలకు యుపిలోని పలు ప్రాంతాలు వరద బీభత్సాన్ని ఎదుర్కొంటున్నాయి. వరదల వల్ల ఇంతవరకూ 12 మంది ప్రాణాలు కోల్పోయారు. అనేక గ్రామాల్లోకి వరద నీరు చొచ్చుకువచ్చింది. లోతట్టు ప్రాంతాల్లోని ప్రజలను ఖాళీ చేయించి సురక్షిత ప్రాంతాలకు పంపడంలో అధికార యంత్రాంగం నిమగ్నమైంది. వరద పరిస్థితిని పర్యవేక్షిస్తూ అధికారులు అప్రమత్తంగా ఉండాలని రాష్ట్ర ప్రభుత్వం ఆదేశించింది.

న్యూఢిల్లీ,మే 29: ఆంధ్రప్రదేశ్‌కు ప్రత్యేక హోదా ఎన్నికల హామీని భాజపా తుంగలో తొక్కిందని సీపీఐ ఏపీ రాష్ట్ర కార్యదర్శి రామకృష్ణ విమర్శించారు. రెండు రోజుల పాటు ఢిల్లీలో జరిగిన సీపీఐ జాతీయ కార్యవర్గ సమావేశాలకు హాజరైన రామకృష్ణ విలేఖరులతో ఆదివారం మాట్లాడారు. ప్రత్యేక హోదా, విభజన హామీలపై పుస్తకాలు వేయించుకున్న వెంకయ్యనాయుడు,కేంద్రమంత్రిగా ఏపీకి ఇచ్చిన హామీలపై ఎందుకు మాట్లాడటం లేదని ప్రశ్నించారు.

న్యూఢిల్లీ, మే 29: ప్రతిష్ఠాత్మక ఐఐటి సంస్థల్లో ప్రవేశానికి బోలెడంత పోటీ ఉంటుందనే విషయం అందరికీ తెలిసిందే. అందుకే వేల రూపాయలు ఫీజులు చెల్లించి కోచింగ్ సెంటర్లలో ఓచింగ్ తీసుకుంటుంటారు.