న్యూఢిల్లీ, సెప్టెంబర్ 29: పాకిస్తాన్ చేయబోయే ప్రతిదాడులను తిప్పి కొట్టేందుకు సర్వసన్నద్ధంగా ఉండాలని ప్రధానమంత్రి నరేంద్ర మోదీ త్రివిధ దళాలను ఆదేశించారు.

న్యూఢిల్లీ, సెప్టెంబర్ 29: ఆక్రమిత కాశ్మీర్‌లోని నాలుగు చోట్ల దాడులు ముగిసిన వెంటనే ప్రధాని మోదీ రాష్టప్రతి ప్రణబ్ ముఖర్జీ, ఉపరాష్టప్రతి, రాజ్యసభ అధ్యక్షుడు హమీద్ అన్సారీ, మాజీ ప్రధానులు మన్మోహన్ సింగ్, దేవేగౌడలకు టెలిఫోన్ చేసి పరిస్థితిని వివరించారు. విదేశీ వ్యవహారాల మంత్రి సుష్మాస్వరాజ్ కాంగ్రెస్ అధ్యక్షురాలు సోనియా గాంధీ నివాసానికి వెళ్లి దాడుల గురించి వివరించి ఆమె మద్దతు తీసుకున్నారు.

న్యూఢిల్లీ, సెప్టెంబరు 29: తెలంగాణలో హైదరాబాద్‌సహా అన్ని జిల్లాల్లో అకాల వర్షాలతో తీవ్ర నష్టం జరిగిందని, వౌలిక వసతులను మెరుగుపరచడానికి రూ. 1,129 కోట్లు సాయం చేయాలని తెలంగాణ ప్రభుత్వం కేంద్రాన్ని కోరింది. గురువారం నాడు ఐటి, పురపాలక శాఖ మంత్రి కెటి రామారావు కేంద్రమంత్రులు చౌదరీ బీరేంద్ర సింగ్, సురేష్ ప్రభు, వెంకయ్యనాయుడులతో భేటీ అయ్యారు.

పాకిస్తాన్ ఇప్పటికైనా గుణపాఠం నేర్చుకోవాలి. వాస్తవాలను గ్రహించాలి. ఉగ్రవాద చర్యలను ప్రోత్సహించవద్దని భారత్ పదే పదే పాకిస్తాన్‌కు చెప్తూనే ఉంది. వాళ్లు హామీలపై ఎన్నడూ నిలబడలేదు. భారత భూభాగంలో ఎలాంటి చొరబాట్లను సహించేది లేదు.
- ఎం.వెంకయ్యనాయుడు,
కేంద్ర సమాచార ప్రసార శాఖ మంత్రి