విజయవాడ, ఫిబ్రవరి 15: ముఖ్యమంత్రి కార్యాలయానికి సోమవారం సందర్శకులు భారీగా తరలివచ్చారు. తమ సమస్యలను తెలియజేసి సహాయం పొందటానికి బారులుతీరారు. ముఖ్యమంత్రి చంద్రబాబు వారి సమస్యలను సావధానంగా విని కొన్ని సమస్యలను అక్కడికక్కడే పరిష్కరించారు. చిత్తూరు జిల్లా మదనపల్లి నుంచి 18 సంవత్సరాల యువకుడు సిహెచ్ నవీన్ వచ్చి క్యాన్సర్ వ్యాధితో బాధపడుతున్నట్టు తెలిపాడు.

విశాఖపట్నం, ఫిబ్రవరి 15: వాద్యకారులకు విదేశాల్లో ఆదరణ పెరుగుతుంటే, మన దేశంలో తగ్గిందని కళామామణి, సంగీత కళాకారిణి, పద్మశ్రీ అవసరాల కన్యాకుమారి ఆవేదన వ్యక్తం చేశారు. సోమవారం సాయంత్రం ఎయు సంగీత విభాగం ఏర్పాటు చేసిన కార్యక్రమంలో ఆమె పాల్గొన్నారు. ఈ సందర్భంగా ఆమె మాట్లాడుతూ సంగీతానికి ఎంతో శక్తి ఉందని, వ్యాధులను కూడా నయం చేసే శక్తి ఉందన్నారు.

సింహాచలం, ఫిబ్రవరి 15 : సింహాచలం దేవస్థానం కేశఖండన శాలలో ఆదివారం రాత్రి చోరీ జరిగింది. శ్రీవరాహలక్ష్మీనృసింహస్వామి వారికి భక్తులు మొక్కుల రూపంలో చెల్లించిన తలనీలాలను దొంగలు అపహరించుకుపోయారు. సుమారు 8 లక్షల రూపాయలు విలువ చేసే 150 కిలోల బరువు గల పది మూటలను దొంగలు అపహరించుకుపోయినట్టు దేవస్థానం ఈవో రామచంద్రమోహన్ తెలియజేశారు.

విజయవాడ: రాష్ట్రంలో ఎక్కడా ప్రభుత్వం నిర్ణయించిన ధరకన్నా ఎక్కువ వసూలు చేయకుండా ఇసుక విధానాన్ని అమలు చేయాలని మంత్రివర్గం నిర్ణయించింది. క్యూబిక్ మీటర్‌కు రూ.500 రూపాయలుగా నిర్ణయించిన ధర అమలవ్వాలని, ఈ విషయంలో కఠినంగా వ్యవహరించాలని భావించింది. విజయవాడలో సుదీర్ఘంగా సాగుతున్న కేబినెట్ భేటీలో ఈ మేరకు నిర్ణయం తీసుకున్నారు.