తిరుపతి: అలిపిరి నడక దారిలో గురువారం ఉదయం ఓ కారు అదుపుతప్పి బీభత్సం సృష్టించింది. ఈ ఘటనలో గాయపడిన తమిళనాడుకు చెందిన ఇద్దరు భక్తులను లూయా ఆస్పత్రికి తరలించారు.

చిత్తూరు : ప్రజా సంక్షేమం కోసం ప్రభుత్వం చేపట్టే కార్యక్రమాలకు నిధుల కొరత లేదని రాష్ట్ర అటవీశాఖమంత్రి బొజ్జల గోపాలకృష్ణారెడ్డి స్పష్టం చేశారు. బుధవారం చిత్తూరు ఆర్‌అండ్‌బి అతిథిగృహంలో వివిధ శాఖల అధికారులతో జిల్లా అభివృద్ధిపై ఆయన సమీక్ష నిర్వహించారు. ఈ సందర్భంగా ఆయన విలేఖర్లతో మాట్లాడుతూ ప్రతిపక్షాలు సంక్షేమ కార్యక్రమాలు కుంటుపడ్డాయని ఆరోపించడంలో అర్థం లేదన్నారు.

విజయవాడ: విజయవాడకు సమీపంలో 200 ఎకరాల్లో మోడల్ ఇండస్ట్రీయల్ టౌన్‌షిప్ ఏర్పాటు చేసేందుకు రాష్ట్ర ప్రభుత్వం సమాయత్తమైంది. వౌలిక వసతులు, నైపుణ్యాభివృద్ధి శిక్షణ కేంద్రం, కార్మికులకు గృహ వసతి ఒకేచోట ఉండేలా ప్రణాళికలు సిద్ధం చేసింది. ఈ ఇండస్ట్రీయల్ టౌన్‌షిప్‌లో సూక్ష్మ, చిన్న, మధ్య తరహా పరిశ్రమల కోసం భూమిని కేటాయించనుంది. గన్నవరం దగ్గరలోని వీరపనేనిగూడెంలో భూమిని గుర్తించింది.

గుంటూరు: రాజధాని అమరావతిలో బుధవారం ఉదయం 8.23కు సిఎం చంద్రబాబు తాత్కాలిక సచివాలయ నిర్మాణానికి శంకుస్థాపన చేశారు. నల్లూరు పండితులు ధాతుస్థానం, రత్నాన్యాసం, ఇష్టికాన్యాసం తదితర పూజలను ఘనంగా నిర్వహించారు. సిఎం చంద్రబాబు కొబ్బరికాయ కొట్టి హారతిపట్టారు. అనంతరం నవధాన్యాలు, సిమెంటుతో శంకుస్థాపన కావించారు. వెలగపూడి కేంద్రంగా ప్రజలకు సుపరిపాలన అందిస్తామని చంద్రబాబు హామీ ఇచ్చారు.