తిరుమల:రథసప్తమి సందర్భంగా తిరుమలలో శ్రీవారు మాడ వీధుల్లో తిరువీధికి వచ్చారు. సర్వభూపాల వాహనంపై ఉభయదేవేరిలతో శ్రీవారి భక్తులకు దర్శనమిచ్చారు. రాత్రి చంద్రప్రభ వాహనంపై శ్రీవారు విహరిస్తారు.

శ్రీకాకుళం:జిల్లాలోని పాలకొండ మండలం సిరికొండవద్ద ఆర్టీసి బస్సు ఢీకొన్న సంఘటనలో ఇద్దరు మరణించారు. మరో ఇద్దరికి గాయాలయ్యాయి.

గుంటూరు: సున్నితమైన ఎస్సీ వర్గీకరణ అంశంపై మంత్రి ప్రత్తిపాటి పుల్లారావు వ్యాఖ్యానించేముందు ముఖ్యమంత్రి చంద్రబాబును సంప్రదించిన తర్వాత మాట్లాడితే బాగుండేదేమో అంటూ తెలుగుదేశం పార్టీ రాష్ట్ర అధికార ప్రతినిధి డొక్కా మాణిక్యవరప్రసాద్ వ్యాఖ్యానించడం చర్చనీయాంశమైంది. శనివారం గుంటూరులోని తన కార్యాలయంలో ఏర్పాటు చేసిన విలేఖర్ల సమావేశంలో ఆయన మాట్లాడారు.

విశాఖపట్నం: ఈ ఏడాది దేశంలోను, రాష్ట్రంలోను విపరీత పరిస్థితులు నెలకొంటాయని విశాఖ శ్రీ శారదాపీఠాధిపతి స్వరూపానందేంద్ర సరస్వతి స్వామీజీ అన్నారు. శనితో కలిసి కుజుడు వృశ్చిక రాశిలో ఉండే ఎనిమిది నెలల కాలం పలు వైపరీత్యాలు చోటుచేసుకునే ప్రమాదం ఉందని పీఠంలో శనివారం ఏర్పాటు చేసిన విలేఖరుల సమావేశంలో ఆయన వెల్లడించారు.