హైదరాబాద్: శాసనసభలో వ్యవహారాలను ప్రశ్నించే అధికారం ఎవరికీ లేదని ఎపి ప్రభుత్వ చీఫ్ విప్ కాల్వ శ్రీనివాసులు అన్నారు. ఆయన సోమవారం అసెంబ్లీ సమావేశంలో ప్రివిలేజ్ కమిటీ సిఫార్సులపై చర్చ సందర్భంగా మాట్లాడుతూ, చట్టసభల్లో అదుపుతప్పి వ్యవహరించే సభ్యులను నియంత్రించాల్సి ఉందన్నారు.

హైదరాబాద్: తన వ్యక్తిగత జీవితానికి సంబంధించి అసభ్యకరంగా మాట్లాడిన వైకాపా ఎమ్మెల్యే రోజాపై చట్టపరంగా చర్యలు తీసుకున్నా, అసెంబ్లీలోనే తనకు న్యాయం జరగాలని టిడిపి ఎమ్మెల్యే అనిత అన్నారు. రోజా చేసిన వ్యాఖ్యలతో తాను, తన పిల్లలు ఎంతో మానసిక వేదన అనుభవించామని ఆమె సోమవారం శాసనసభలో మాట్లాడుతూ అన్నారు. రోజాపై చర్య తీసుకోవడానికి బదులు సభా సమయాన్ని వైకాపా అధినేత జగన్ వృథా చేస్తున్నారని ఆమె ఆరోపించారు.

హైదరాబాద్: ఎపిలోని అన్ని విశ్వవిద్యాలయాల్లో ఉద్యోగాలను భర్తీ చేసేందుకు కామన్ యూనివర్సిటీ చట్టాన్ని రూపొందిస్తామని మానవ వనరుల మంత్రి గంటా శ్రీనివాసరావు తెలిపారు. ఆయన సోమవారం అసెంబ్లీలో పలువురు సభ్యులు అడిగిన ప్రశ్నలకు బదులిస్తూ, కామన్ వర్సిటీ చట్టం రూపకల్పనకు 8 మందితో ఓ కమిటీని వేశామన్నారు.

హైదరాబాద్: నారా లోకేష్, బ్రాహ్మణి దంపతుల కుమారుడు, తన మనవడైన దేవాన్ష్ పుట్టినరోజు సందర్భంగా ఎపి సిఎం చంద్రబాబు తిరుమలలోని శ్రీవేంకటేశ్వర స్వామి అన్నదాన ట్రస్టుకు సోమవారం 20 లక్షల రూపాయల విరాళం అందజేశారు. చంద్రబాబు, బాలకృష్ణ కుటుంబ సభ్యులు దేవాన్ష్‌ను ఆశీర్వదించారు.