హైదరాబాద్: ఆంధ్రప్రదేశ్ శాసనసభ పబ్లిక్ అకౌంట్స్ కమిటీ చైర్మన్ పదవికి ద్రోణాచలం వైకాపా ఎమ్మెల్యే బుగ్గన రాజేంద్రనాథ్‌రెడ్డి పేరును ప్రతిపక్షనేత వైఎస్ జగన్మోహన్ రెడ్డి సిఫార్సు చేశారు. స్పీకర్ ఈ విషయాన్ని అధికారికంగా అసెంబ్లీలో ప్రకటిస్తారు. అలాగే పిఏసి సభ్యులుగా తుని ఎమ్మెల్యే రాజాబాబు, సంతనూతలపాడు ఎమ్మెల్యే సురేష్ పేరును వైకాపా ప్రతిపాదించింది.

హైదరాబాద్: రాష్ట్ర సచివాలయ సిబ్బంది తరలింపుపై మరోమారు మున్సిపల్ మంత్రి డాక్టర్ పి నారాయణ ఉద్యోగుల నేతలతో చర్చలు జరిపారు. ఈ చర్చల్లో ప్రభుత్వ ప్రధానకార్యదర్శి ఎస్ పి టక్కర్ సైతం పాల్గొన్నారు. జూలై 15 నాటికి 4వేల మందిని, జూలై మరో 3వేల మందిని, ఆగస్టుకి మరో 3వేల మంది ఉద్యోగులను తరలించాలన్న ప్రతిపాదనను ఉద్యోగ సంఘాల ముందుంచారు.

హైదరాబాద్: విడతల వారీగా ఉద్యోగులను తరలించాలన్న ఏపి ప్రభుత్వ ప్రతిపాదనలను ఉద్యోగ సంఘాలు అంగీకరించాయి. మంత్రి నారాయణ, ప్రభుత్వ ప్రధాన కార్యదర్శి టక్కర్, ఉద్యోగ సంఘాల ప్రతినిధుల మధ్య సోమవారం ఇక్కడ సమావేశం జరిగింది. జూన్ 15లోగా నాలుగువేల మందిని, జూలైలో మూడు వేల మందిని, ఆగస్టులోగా మరో మూడు వేల మంది ఉద్యోగులను తరలించాలని ప్రభుత్వం నిర్ణయించింది.

విజయవాడ: ఎపి రాజధానిగా అవతరించే అమరావతి ప్రాంతంలో సోమవారం సుప్రీం కోర్టు న్యాయమూర్తులు ఎస్‌వి రమణ, మదన్ బి లోకూర్ పర్యటించారు. రాజధాని శంకుస్థాపన ప్రాంతం, నమూనా నిర్మాణాలను వారు పరిశీలించి, సిఆర్‌డిఎ అధికారులతో సమావేశమయ్యారు.