విజయవాడ: అభివృద్ధి పనులను త్వరగా పూర్తి చేసి, కృష్ణా పుష్కరాల సమయానికి ఇక్కడి ఇంద్రకీలాద్రిని అన్ని విధాలా తీర్చిదిద్దాలని దేవాదాయ శాఖ మంత్రి మాణిక్యాలరావు అధికారులను ఆదేశించారు. ఆయన మంగళవారం ఉదయం ఇంద్రకీలాద్రిపై చేపడుతున్న పనులను పరిశీలించారు. పుష్కరాల సమయంలో ఇంద్రకీలాద్రిపై కనకదుర్గ ఆలయాన్ని సందర్శించేందుకు లక్షలాది మంది భక్తులు వస్తారని, అందుకు తగ్గట్టు ఏర్పాట్లు చేయాలన్నారు.

విజయవాడ, జూలై 25: సముద్రపు నీటి ప్రభావంతో మంచినీరు సైతం ఉప్పునీరుగా మారడంతో తాగలేక ఇబ్బంది పడుతున్న ప్రజలకు శుభవార్త. ఇకపై ఆ నీటిని శుద్ధి చేసి మరింత పరిశుభ్రంగా అందించేందుకు జినర్జీ సోలార్ ప్రాజెక్ట్, దాని అనుంబంధ సంస్థ అలెక్టోనా ఎనర్జీ కంపెనీ ముందుకొచ్చాయి. ఈ కంపెనీ చైర్మన్ తేజ్ కోహ్లీ, గ్రూప్ ఎండి, సిఇఓ రోహిత్ రవీంద్రనాథ్ సోమవారం ముఖ్యమంత్రి చంద్రబాబుతో భేటీ అయ్యారు.

విజయవాడ (బెంజిసర్కిల్), జూలై 25: హరితాంధ్రప్రదేశే లక్ష్యంగా ప్రభుత్వం నిర్వహించ తలపెట్టిన వనం-మనం ఉద్యమంలో స్ఫూర్తిని నింపుతూ విజయవంతం చేయాలని ముఖ్యమంత్రి చంద్రబాబు నాయుడు పిలుపునిచ్చారు. సోమవారం ఉండవల్లిలోని తన నివాసం నుండి అధికారులు, ప్రజాప్రతినిధులతో నీరు-చెట్టు కార్యక్రమంపై ఆయన టెలీకాన్ఫరెన్స్ నిర్వహించారు.

నెల్లూరు, జూలై 25: ‘శతకోటి దరిద్రాలకు అనంతకోటి ఉపాయాలు’ అన్నట్లు ఇసుక విధానాన్ని మార్చి ఉచితం చేసినా అక్రమ రవాణా ఆగడం లేదు. కొంత మంది ఇసుక అక్రమ రవాణా వ్యాపారం చేసుకొని కాసులు పిండుతున్నారు. నెల్లూరు జిల్లా చెన్నై రాష్ట్రానికి సరిహద్దుగా ఉండడంతో పెద్దఎత్తున ఇసుక తరలిపోతోంది. అక్రమ రవాణాపై సరిహద్దులో తనిఖీ లేకుండాపోయింది. పర్యావరణ అనుమతి లేని ఇసుక రేవులో సైతం అక్రమంగా తవ్వకాలు జరుగుతున్నాయి.