విజయవాడ, జూలై 25: వెలగపూడిలో నిర్మిస్తున్న తాత్కాలిక సచివాలయ భవన పనులు ఊపందుకున్నాయి. నిన్నమొన్నటి వరకూ మొండి గోడలతో కనిపించిన సెక్రటేరియట్ ఇప్పుడు కొత్త లుక్కుతో కనిపిస్తోంది. కార్పొరేట్ కార్యాలయ భవనాన్ని తలపించేలా ఉంది. సెక్రటేరియట్‌లో ఇంటీరియల్ డెకరేషన్ పనులు దాదాపు కొలిక్కి వచ్చాయి. ఫ్లోరింగ్ పని కూడా చాలావరకూ పూర్తయింది.

విజయవాడ, జూలై 25: పుష్కరాలకు వచ్చే భక్తులకు ఎలాంటి అసౌకర్యాలు కలగకుండా పటిష్టమైన వైద్య పరికరాలతో పాటు మొబైల్ బృందాలు, అంబులెన్స్ సౌకర్యం, ఘాట్లలో భక్తులకు సూచనలను చేసే హెచ్చరిక బోర్డులు ఏర్పాటు చేస్తున్నట్లు రాష్ట్ర వైద్యవిద్య, ఆరోగ్య శాఖ మంత్రి డాక్టర్ కామినేని శ్రీనివాస్ చెప్పారు. వైద్య సిబ్బందికి బ్లూస్కర్టు, వైట్ స్కార్ప్‌తో ప్రత్యేకమైన డ్రెస్‌కోడ్ ఏర్పాటు చేస్తున్నామన్నారు.

విజయవాడ, జూలై 25: పట్టిసీమ పథకం 13వ మోటార్ పంపు సోమవారం నుండి పని ప్రారంభించింది. జలవనరుల శాఖ మంత్రి దేవినేని ఉమామహేశ్వరరావు సోమవారం మాట్లాడుతూ 13 పంపుల ద్వారా రోజుకు 4600 క్యూసెక్కుల గోదావరి నీరు కృష్ణా బ్యారేజీకి తరలిస్తున్నట్లు తెలిపారు. ప్రస్తుతం బ్యారేజీ నుంచి రోజుకు 4వేల క్యూసెక్కుల నీటిని ఆయా కాలువల ద్వారా పంట పొలాలకు మళ్లిస్తున్నట్లు చెప్పారు.

ఒంగోలు,జూలై 25:ప్రకాశం జిల్లా చీరాల రాజకీయం మరోకసారి తెరపైకి వచ్చింది. ఎమ్మెల్యే ఆమంచి, సునీత వర్గీయుల మధ్య ఇప్పటికీ పచ్చగడ్డివేస్తే భగ్గుమనే పరిస్ధితి నెలకొంది. ఇలాంటి తరుణంలో జిల్లా తెలుగుదేశంపార్టీ సమన్వయం కమిటీ సమావేశం తీరు దానికి ఆజ్యం పోసినట్టయింది. సోమవారం స్ధానిక పాలకేంద్రం ఆవరణలో జిల్లా తెలుగుదేశంపార్టీ సమన్వయకమిటీ సమావేశం పరిశీలకులు గోరంట్ల బుచ్చయ్యచౌదరి అధ్యక్షతన జరిగింది.