నల్లగొండ, డిసెంబర్ 2: నల్లగొండ జిల్లా స్థానిక సంస్థల ఎమ్మెల్సీ ఎన్నికలలో అధికార, విపక్ష పార్టీల గెలుపు ఎత్తుగడలు జోరందుకున్నాయి. టిఆర్‌ఎస్, కాంగ్రెస్ పార్టీల నుండి అధికారికంగా అభ్యర్థులు ఎవరన్నది ఖరారు కాకపోయినప్పటికీ గెలుపు లక్ష్యంగా ఎంపిటీసిలు, జడ్పీటీసిలు, కౌన్సిలర్లను ఆకట్టుకునే ప్రయత్నాలను మాత్రం అప్పుడే మొదలు పెట్టారు.

నిజామాబాద్, డిసెంబర్ 2: మహబూబ్‌నగర్ బాటలోనే నిజామాబాద్‌ను సైతం నాటుసారా రహిత జిల్లాగా తీర్చిదిద్దారు. గత కొన్ని నెలల నుండి పోలీస్, రెవెన్యూ శాఖల తోడ్పాటుతో ఎక్సైజ్ అధికారులు విరివిగా దాడులు నిర్వహిస్తూ నాటుసారా, గుడుంబా తయారీ, విక్రయాలపై ఉక్కుపాదం మోపారు. పలువురిపై పి.డి యాక్టులు కూడా నమోదు చేస్తూ, పెద్ద ఎత్తున బైండోవర్లు చేశారు.

హైదరాబాద్: తెలంగాణలో స్థానిక సంస్థల నుంచి శాసనమండలికి 12 మంది ఎమ్మెల్సీలను ఎన్నుకొనేందుకు బుధవారం నోటిఫికేషన్ విడుదల కానుంది. హైదరాబాద్ మినహా మిగతా 9 జిల్లాల్లో ఎమ్మెల్సీ స్థానాలకు ఎన్నిక జరుగుతుంది. ఈ నెల 9 వరకు నామినేషన్లు స్వీకరిస్తారు. 27న పోలింగ్, 30న కౌంటింగ్ నిర్వహిస్తారు. నోటిఫికేషన్ విడుదల కానున్న నేపథ్యంలో అన్ని రాజకీయ పార్టీల్లో సందడి మొదలైంది.

మెదక్: సంగారెడ్డి నుంచి హైదరాబాద్ వెళ్తున్న ఓ ఆర్టీసీ బస్సును బుధవారం ఉదయం లారీ ఢీకొంది. ఈ ఘటనలో 15 మంది గాయపడ్డారు. తీవ్రంగా గాయపడిన వారిని పటాన్‌చెరు ప్రభుత్వ ఆస్పత్రిలో చేర్పించారు. ప్రమాదం కారణంగా కొద్దిసేపు ట్రాఫిక్ స్తంభించింది.