హైదరాబాద్, జనవరి 4: ప్రస్తుత ఆర్థిక బడ్జెట్‌లో నీటిపారుదల ప్రాజెక్టులకు కేటాయించబోయే రూ.25 వేల కోట్లలో ప్రతీ నెలా రూ. 2,083 కోట్లు విడుదల చేస్తామని, దానికి అనుగుణంగా పనులు జరగాలని సిఎం కె చంద్రశేఖర్‌రావు అధికారులను ఆదేశించారు. కృష్ణా, గోదావరి నదులపై తలపెట్టిన ప్రాజెక్టుల నిర్మాణం త్వరితగతిన పూర్తి చేసేందుకు అవసరమైన కార్యాచరణ రూపొందించాలన్నారు.

హైదరాబాద్, జనవరి 4: రాష్ట్రంలో రియల్ ఎస్టేట్ రంగం ప్రోత్సాహానికి ప్రస్తుత కఠిన నిబంధనలను సరళీకృతం చేయడంతోపాటు, బిల్డర్లకు అనేక రాయితీలు కల్పించాలని ప్రభుత్వం నిర్ణయించింది. నగరాలు, పట్టణాభివృద్థి సంస్థల పరిధిలో భవన నిర్మాణాల నిబంధనలను సరళీకృతం చేస్తూ మంత్రివర్గ ఉపసంఘం చేసిన సిఫారసులను సిఎం కె చంద్రశేఖర్‌రావు సోమవారం ఆమోదించారు.

ఖమ్మం: జిల్లాలోని ఆర్టీవో కార్యాలయంపై ఏజెంట్ల బాధితుల ఫిర్యాదుతో సోమవారం మధ్యాహ్నం ఏసీబీ దాడులు నిర్వహించింది. డీఎస్పీ సాయిబాబా ఆధ్వర్యంలో ఏసీబీ అధికారులు తనిఖీలు చేపట్టారు. ఈ తనిఖీల్లో ఆర్టీవో అధికారి సహా 16 మంది ఆర్టీవో ఏజెంట్లను అదుపులోకి తీసుకున్నట్టు ఏసీబీ వెల్లడించింది.

హైదరాబాద్: నగరంలోని సీతారాంబాగ్‌లో ఒకే కుటుంబానికి చెందిన నలుగురు మరణించటం సంచలనం సృష్టించింది. ఇద్దరు కవల పిల్లలను హత్యచేసి, దంపతులు రాధిక, రాజు ఆత్మహత్యకు పాల్పడ్డారు. ఇనుము తుక్కు వ్యాపారం చేస్తున్న రాజు ఆర్థిక సమస్యలతో బాధపడుతున్నట్లు స్థానికులు చెబుతున్నారు.