న్యూఢిల్లీ, ఏప్రిల్ 6: రాష్టప్రతి ప్రణబ్ ఆదేశాల మేరకు ఢిల్లీ, గుజరాత్ హైకోర్టు నుంచి ముగ్గురు న్యాయమూర్తులు బదిలీ అయ్యారు. సుప్రీం కోర్టు ప్రధాన న్యాయమూర్తితో చర్చించిన అనంతరమే బదిలీలు జరిగాయ. ఢిల్లీ హైకోర్టు న్యాయమూర్తి సురేష్ కుమార్ ఖేట్ హైదరాబాద్‌లోని జుడికేచర్ హైకోర్టు న్యాయమూర్తిగా బదిలీ అయ్యారు. తెలంగాణ, ఆంధ్రప్రదేశ్ రాష్ట్రాలకు ఆయన సేవలందజేస్తారని రాష్టప్రతి ఆదేశంలో పేర్కొన్నారు.

దిల్లీ: జమ్ము-కాశ్మీర్ సరిహద్దుల గుండా భారత్‌లోకి ముగ్గురు ఉగ్రవాదులు ప్రవేశించినందున దిల్లీ, గోవా, ముంబయి ప్రాంతాల్లో బాంబుదాడులకు అవకాశం ఉందని పంజాబ్ పోలీసులు హెచ్చరిస్తున్నారు. ఆ ముగ్గురు ఉగ్రవాదులు మరో వ్యక్తితో కలిసి కారులు సంచరిస్తున్నట్లు వారు ఎక్కడైనా బాంబుదాడికి లేదా ఆత్మాహుతి దాడికి తెగబడే ప్రమాదం ఉందని పోలీసులు చెబుతున్నారు.

ముంబయి: తమ కుమర్తె జీవితాన్ని నాశనం చేసిన బోయ్‌ఫ్రెండ్ రాహుల్‌ను ఉరితీయాలని లేదా జీవితాంతం జైల్లో పెట్టాలని ఆత్మహత్య చేసుకున్న టీవీ నటి ప్రత్యూష తల్లిదండ్రులు ఆగ్రహం వ్యక్తం చేశారు. ప్రత్యూష ఆత్మశాంతి కోసం బుధవారం ప్రార్ధనలు జరిపిన అనంతరం వారు మీడియాతో మాట్లాడారు. డబ్బు కోసం ప్రత్యూషను శారీరకంగా, మానసికంగా వేధించి చివరికి ఆమె ఆత్మహత్యకు రాహుల్ కారకుడయ్యాడని వారు తెలిపారు.

దిల్లీ: శ్రీనగర్‌లోని ఎన్‌ఐటిలో విద్యార్థులపై పోలీసులు లాఠీచార్జి చేయడం దారుణమని దిల్లీ సిఎం అరవింద్ కేజ్రీవాల్ బుధవారం మండిపడ్డారు. ప్రపంచంలో ఎక్కడా లేని విధంగా నేడు భారత్‌లో విద్యార్థులపై దాడులు జరుగుతున్నాయని, ఇందుకు కేంద్ర ప్రభుత్వమే కారణమన్నారు. కేంద్రంలో బిజెపి అధికారంలోకి వచ్చాక ఆ పార్టీ నేతలే విద్యాసంస్థల్లో మత విద్వేషాలకు ఆజ్యం పోస్తున్నారని ఆయన ఆరోపించారు.