ప్రముఖ నటుడు ఎన్టీఆర్ ఇటీవలే ‘నాన్నకు ప్రేమతో’ చిత్రంతో మంచి విజయాన్ని అందుకున్నాడు. ఎన్టీఆర్ నటుడిగానే కాక, ఈమధ్య తను నటిస్తున్న సినిమాల్లో పాటలు కూడా పాడుతున్న విషయం తెలిసిందే. అయితే ఈసారి ఆయన తన స్నేహితునికోసం కన్నడంలో ఓ పాట పాడాడు. ప్రముఖ కన్నడ నటుడు పునిత్ రాజ్‌కుమార్ హీరోగా నటిస్తున్న ‘చక్రవ్యూహ్’ సినిమాకోసం ఎన్టీఆర్ పాట పాడాడు.

హరిబాబు ప్రధాన పాత్రలో శ్రీనివాస్ జి.ఎల్.బి. స్వీయ దర్శకత్వంలో రూపొందిస్తున్న చిత్రం ‘సాయే దైవం’. భగవాన్ షిరిడీ సాయిబాబా భక్తుల అనుభవాలను ప్రధానాంశంగా తీసుకుని, బాబాను విశ్వసించిన భక్తుల జీవితాల్లో జరిగిన అద్భుతాలే ప్రధాన కథనంగా ఈ చిత్రం రూపొందించామని శ్రీనివాస్ తెలిపారు. ఈ చిత్రానికి సంబంధించిన డబ్బింగ్‌తోపాటుగా పాటల చిత్రీకరణ పూర్తిచేశారు.

ప్రశాంత్, మణికంఠ, ప్రసన్న, అశ్విని ప్రధాన తారాగణంగా వెల్ఫేర్ క్రియేషన్స్ పతాకంపై ప్రొడక్షన్ నెం.5వ చిత్రంగా రూపొందిస్తున్న చిత్రానికి సంబంధించిన షూటింగ్ శరవేగంగా సాగుతోంది. శివశ్రీ దర్శకత్వంలో డా.మళ్ల విజయ్‌ప్రసాద్ ఈ చిత్రాన్ని రూపొందిస్తున్నారు.

గ్లామర్ భామ రెజినా ఈ మధ్య జోరుగా సినిమా చేస్తూ మంచి క్రేజ్ తెచ్చుకుంటోంది. ఇప్పటికే స్టార్ హీరోయిన్‌గా మారిన ఈ భామ మరోసారి మెగా హీరోతో జోడి కట్టేందుకు రెడీ అయింది. ఆ మెగా హీరో ఎవరంటే మెగా మేనల్లుడు సాయిధరమ్ తేజ్! ఇప్పటికే ‘పిల్లా నువ్వులేని జీవితం’, ‘సుబ్రహ్మణ్యం ఫర్ సేల్’ సినిమాల్లో నటించిన ఈ భామ ఇప్పుడు మరోసారి జోడీకట్టింది.