తడ, జూలై 30: ఆంధ్ర-తమిళనాడు సరిహద్దు గ్రామమైన ఆరంబాకం వద్ద సోమవారం జరిగిన రోడ్డుప్రమాదంలో తమిళనాడుకు చెందిన ఇద్దరు యువకులు మృతి చెందారు. తమిళనాడు పోలీసుల సమాచారం మేరకు తమిళనాడులోని ఈరోడ్ జిల్లా సత్యమంగళంకు చెందిన శరవణకుమార్ (28), చెన్నై ఆవడికి చెందిన పెరుమాళ్ (24) అనే యువకులు చెన్నైలోని లామినర్ టెక్నికల్ ప్రైవేటు లిమిటెడ్ సంస్థలో టెక్నీషియన్లుగా పని చేస్తున్నారు.

గంగవరం./గోకవరం, జూలై 30: ఇంటిలో చదువుకోమంటున్నారని మనస్తాపానికి గురైన పదోతరగతి విద్యార్థిని సూరంపాలెం జలాశయంలో దూకి ఆత్మహత్యకు పాల్పడింది. దీనికి సంబంధించిన వివరాలు గంగవరం ఎస్సై రామలింగేశ్వరరావు తెలిపారు. గోకవరం మండలానికి చెందిన చందనాల పూజిత (16) అనే బాలిక కామరాజుపేట జిల్లా పరిషత్ ఉన్నత పాఠశాలలో పదోతరగతి చదువుతోంది.

నల్లగొండ రూరల్, జూలై 30: నల్లగొండ పట్టణంలోని రామగిరి సెంటర్‌లో ఉన్న ఎస్టీ బాలుర హాస్టల్ భవనంపై నుండి దూకి విద్యార్థి ఆత్మహత్యాయత్నం చేసిన ఘటన సోమవారం కలకలం రేపింది. తిరుమలగిరిసాగర్ మండలం ఎల్లాపురం గ్రామానికి చెందిన ధరావత్ రంగ (16) పట్టణంలోని ప్రతీక్‌రెడ్డి ప్రభుత్వ జూనియర్ కళాశాలలో ఇంటర్ ప్రథమ సంవత్సరం చదువుతున్నాడు.

పెదనందిపాడు, జూలై 30: పెదనందిపాడు మండలం నాగులపాడులో ఈ నెల 14వ తేదీ జరిగిన దొంగతనం కేసులో నిందితుడు పట్టుబడ్డాడు. అట్లూరి మోహనరావు ఇంట్లో దొంగిలించిన 10 సవర్ల బంగారు ఆభరణాలను పోలీసులు స్వాధీనం చేసుకున్నారు. గుంటూరు నగరంలోని ఏటి అగ్రహారంకు చెందిన నిందితుడు బండికట్ల రత్నరాజును పోలీసులు అరెస్ట్ చేశారు. నిందితుడి వద్ద నుండి చోరీచేసిన బంగారాన్ని పట్టుకున్నారు.