విజయవాడ (క్రైం), ఆగస్టు 2: రోడ్డు ప్రమాదానికి కారకుడైన ఆర్టీసీ డ్రైవర్‌కు 12వ మెట్రోపాలిటన్ మేజిస్ట్రేట్ కోర్టు రూ.వెయ్యి జరిమానా విధించింది. ప్రాసిక్యూషన్ కథనం ప్రకారం ఉంగుటూరు మండలం ఎలుకపాడుకు చెందిన మొవ్వ ఏస్తేరు రాణి (15) అనే బాలిక 2017 జూన్ 21న సైకిల్‌పై స్కూలుకు వెళ్తుండగా ఉంగటూరు వైపు వెళ్లే గన్నవరం డిపో బస్సు ఢీకొట్టింది.

అమరచింత, ఆగస్టు 2: మండలంలోని పాంరెడ్డిపల్లిలో చినిరెడ్డి అనే వ్యక్తి ఇంటిపై బుధవారం అర్ధరాత్రి విజిలెన్స్ అధికారులు దాడి చేసి ఇంట్లో అక్రమంగా నిల్వ చేసిన 32 క్వింటాల్ రేషన్ బియ్యంను పట్టుకున్నారు. అనంతరం ఇంటికి తాళం వేసి గ్రామంలోని రేషన్ డీలరుకు అప్పగించి వనపర్తి జిల్లా సివిల్ సప్లయ్ అధికారలకు సమాచారం అందించారు.

సిద్దిపేట అర్బన్, ఆగస్టు 2: స్నేహితులతో క్రికెట్ ఆడేందుకు వెళ్లి చెరువులో పడి ప్రమాదవశాత్తు ఓ యువకుడు మృతిచెందిన సంఘటన సిద్దిపేట పట్టణంలో గురువారం నాడు చోటుచేసుకుంది. సిద్దిపేటలోని కోమటిచెరువు సమీపంలో గల ఖాళీ స్థలంలో క్రికెట్ ఆడేందుకు స్థానికుడైన మర్కంటి రాజేశ్ (22) వెళ్లాడు. ఈ క్రమంలో బంతి చెరువులో పడిపోయింది. దాన్ని తీసేందుకు లోనికి వెళ్లిన రాజు అందులో మునిగిపోయి మృతిచెందాడు.

నెల్లూరు, ఆగస్టు 2: ట్రావెల్ బస్సుల్లో తిరుగుతూ దొంగతనాలకు పాల్పడే ఉత్తరప్రదేశ్, ఢిల్లీ రాష్ట్రాలకు చెందిన 8 మంది ముఠా సభ్యులను నెల్లూరు క్రైం బ్రాంచ్ పోలీసులు గురువారం అరెస్ట్ చేశారు. ఈ సంఘటనకు సంబంధించిన వివరాలను క్రైం బ్రాంచ్ డిఎస్పీ బాలసుందరరావు గురువారం తన కార్యాలయంలో ఏర్పాటు చేసిన విలేఖరుల సమావేశంలో వెల్లడించారు. ఆయన తెలిపిన సమాచారం మేరకు..