లాహోర్, అక్టోబర్ 23: అనారోగ్యంతో బాధపడుతున్న మాజీ ప్రధాని నవాజ్ షరీఫ్‌కు అత్యుత్తమ వైద్య సేవలు అందేలా చూడాలని పంజాబ్ ప్రావిన్స్ ప్రభుత్వాన్ని ప్రధాని ఇమ్రాన్ ఖాన్ ఆదేశించారు. 69 ఏళ్ల షరీఫ్‌ను ప్లేట్‌లెట్స్ కౌంట్ అత్యంత దారుణంగా పడిపోవడంతో లాహోర్‌లోని సర్వీసెస్ ఆసుపత్రిలో చేర్చారు. అక్కడ చికిత్స పొందుతున్న ఆయనకు మెరుగైన సేవలు అందించాలని ఇమ్రాన్ కోరారు.

ఇస్లామాబాద్, అక్టోబర్ 23: కర్తార్‌పూర్ కారిడార్‌ను ఉపయోగంలోకి తీసు కు రావడానికి సంబంధించి భారత్‌తో చరిత్రాత్మక ఒప్పందంపై ఇరు దేశాలు గురువారం సంతకాలు చేసే అవకాశం ఉందని పాకిస్తాన్ బుధవారం తెలిపింది. భారత్‌లోని పంజాబ్ రాష్ట్రంలో గల డేరా బాబా నానక్ ఆలయాన్ని పాకిస్తాన్‌లోని కర్తార్‌పూర్‌లో గల గురుద్వారాను ఈ కారిడార్ అనుసంధానం చేస్తోంది.

టోక్యో, అక్టోబర్ 22: రాష్ట్రపతి రాంనాథ్ కోవింద్ మంగళవారం నేపాల్ అధ్యక్షురాలు విద్యాదేవి భండారీతో మంతనాలు జరిపారు. ఇరు దేశాల మధ్య సత్సంబంధాలు, ఇతరత్రా కీలక అంశాలపై వారు చర్చించారు. జపాన్ చక్రవర్తి నారుహిటో పట్ట్భాషేకం ఉత్సవంలో పాల్గొనేందుకు రాష్ట్రపతి రాంనాథ్ కోవింద్ హాజరయ్యారు. ఈ ఉత్సవంలో పాల్గొనేందుకు విద్యాదేవి భండారీ కూడా చేరుకున్నారు.

*చిత్రం...జపాన్‌లో పర్యటిస్తున్న భారత రాష్ట్రపతి రామ్‌నాథ్ కోవింద్ టోక్యోలోని ఓ బౌద్ధ ఆలయంలో మహాబోధి వృక్షం మొక్కను నాటుతున్న దృశ్యం