న్యూఢిల్లీ, జూలై 14: ప్రపంచ వ్యాప్తంగా కార్మిక మార్కెట్ అభివృద్ధి, కార్మికులకు సామాజిక భద్రత కల్పనే లక్ష్యంగా జి-20 దేశాల సదస్సు జరిగిందని కేంద్ర కార్మిక, ఉపాధి కల్పనా శాఖ మంత్రి బండారు దత్తాత్రేయ చేప్పారు. చైనా రాజధాని బీజింగ్‌లో ఈ నెల 12, 13 (మంగళ, బుధవారం) న నిర్వహించిన జి-20 దేశాల కార్మిక శాఖ మంత్రు ల సమావేశానికి దత్తాత్రేయ హాజరైయ్యారు.

విజయవాడ, జూలై 14: కృష్ణా, నాగార్జునసాగర్, ఇతర ఆయకట్టులకు రానురాను సాగునీటి సమస్య జటిలంగా మారుతుండటంతో బోర్లపై ఆధారపడ్డ రైతాంగం క్రమేణా ఆయిల్‌పామ్ సాగుపై దృష్టి సారిస్తున్నది. నేడు ఎక్కువగా వినియోగిస్తున్న వంట నూనెల్లో పామాయిల్ ఒకటి. పేదల ఆయిల్‌గా కూడా పామాయిల్‌కు పేరుంది. దీన్ని పేద, మధ్య తరగతి ప్రజలు ఎక్కువగా వినియోగిస్తుండడంతో పామాయిల్‌కు ఆ పేరు వచ్చింది.

హైదరాబాద్, జూలై 13: తెలంగాణ రాష్ట్రంలో మరో భారీ పరిశ్రమను నెలకొల్పడానికి ప్రముఖ స్టీల్ సంస్థ జైరాజ్ స్టీల్స్ ముందుకు వచ్చింది. మహబూబ్‌నగర్ జిల్లా ధరూర్ మండలంలో 3 వేల కోట్ల రూపాయల పెట్టుబడితో 250 ఎకరాల విస్తీర్ణంలో స్టీల్ ప్లాంట్‌ను నెలకొల్పడానికి ఆసక్తి కనబరుస్తూ జైరాజ్ ఇస్పాత్ లిమిటెడ్ సంస్థ ప్రతినిధులు బుధవారం రాష్ట్ర పరిశ్రమల శాఖ మంత్రి కె తారకరామరావును కలిసి డిపిఆర్‌ను అందజేశారు.

న్యూఢిల్లీ, జూలై 13: ప్రభుత్వరంగ సంస్థ ఎన్‌బిసిసిలో వాటా విక్రయానికి కేంద్రం సిద్ధమైంది. ఈ కేంద్ర ప్రభుత్వ నిర్మాణరంగ సంస్థలో 15 శాతం వాటా అమ్మకానికి బుధవారం ఇక్కడ జరిగిన కేంద్ర మంత్రివర్గం ఆమోదం తెలిపింది. ప్రధాన మంత్రి నరేంద్ర మోదీ నేతృత్వంలో ఆర్థిక వ్యవహారాలపై ఏర్పాటైన కేబినెట్ కమిటీ ఈ వాటా విక్రయానికి గ్రీన్ సిగ్నల్ ఇచ్చింది. దీంతో ఖజానాకు 1,706 కోట్ల రూపాయల ఆదాయం రావచ్చని అంచనా.