కర్నూలు: సొంత కొడుకే కత్తితో దాడి చేయడంతో ఓ తండ్రి ఆస్పత్రి పాలయ్యాడు. ప్రస్తుతం అతని పరిస్థితి విషమంగా ఉంది. రుద్రవరం మండలం ఆలమూరులో తండ్రిపై కొడుకు ఈ రోజు ఉదయం కత్తితో దాడిచేసి తీవ్రంగా గాయపరిచాడు. స్థానికులు వెంటనే తండ్రిని ఆస్పత్రిలో చేర్పించారు.

విజయనగరం: గతంలో కంటే ఇప్పుడు ప్రభుత్వ ఆస్పత్రుల్లో వైద్య సేవలు మెరుగు పడుతున్నాయని కేంద్ర విమానయాన శాఖ మంత్రి అశోక్ గజపతిరాజు అన్నారు. ఇక్కడి మహారాజా ప్రభుత్వ ఆస్పత్రిలో ఆధునీకరించిన శస్తచ్రికిత్సల విభాగాన్ని ఆయన సోమవారం ప్రారంభించారు. సామాన్య ప్రజలకు ప్రభుత్వ ఆస్పత్రులపై నమ్మకం కుదిరేలా వైద్యులు సేవలందించాలని ఆయన సూచించారు.

నెల్లూరు: నెల్లూరు జిల్లా గూడూరు మండలంలో కైవల్య నది ఉధృతంగా ప్రవహిస్తుండటంతో ఐదుగురు వ్యక్తులు ఆదివారం సాయంత్రం గల్లంతయ్యారు. గల్లంతయిన వారి ఆచూకీ కనుగొనేందుకు గాలింపు చర్యలు ప్రారంభించగా, సోమవారం ఉదయం ఓ వ్యక్తిని పోలీసులు సురక్షితంగా ఒడ్డుకు చేర్చారు. మిగతా నలుగురి కోసం గాలింపు చర్యలు కొనసాగుతున్నాయి.

విజయవాడ: చైనాకు చెందిన ప్రతినిధుల బృందంతో ఎ.పి. సి.ఎం. చంద్రబాబు సోమవారం ఇక్కడ ఓ హోటల్‌లో సమావేశమయ్యారు. రాజధాని అమరావతి నిర్మాణం, పరిశ్రమల్లో పెట్టుబడులు, తదితర అంశాలపై చైనా బృందంతో సి.ఎం. చర్చిస్తున్నారు.