ఒంగోలు: ఇక్కడి వ్యవసాయ మార్కెట్ యార్డు సమీపంలో సోమవారం ఉదయం ఓ ప్రైవేట్ స్కూల్‌కి చెందిన బస్సు బోల్తాపడగా 40 మంది విద్యార్థులు గాయపడ్డారు. త్రోవగుంట నుంచి ఒంగోలు వైపు స్కూల్ బస్సు వస్తుండగా వేగంగా వస్తున్న లారీ ఢీకొంది. దీంతో బస్సు అదుపుతప్పి బోల్తాపడింది. డ్రైవర్‌తోపాటు గాయపడిన విద్యార్థులను ఆస్పత్రికి తరలించారు.

విజయవాడ : ఏపీ భాజపా పదాధికారుల సమావేశం విజయవాడలో ప్రారంభమైంది. ఈ సమావేశానికి ఎంపీ, పార్టీ ఏపీ అధ్యక్షుడు కంభపాటి హరిబాబు, మాజీ కేంద్రమంత్రి పురంధ్రీశ్వరి, భాజపా ముఖ్యనేతలు హాజరయ్యారు. పార్టీ మండల, జిల్లా కమిటీల ఎన్నికలు త్వరలో పూర్తిచేస్తామని కంభంపాటి హరిబాబు చెప్పారు.

విజయవాడ: చిరకాలంగా అపరిష్కృతంగా ఉన్న తమ సమస్యలను పరిష్కరించాలని డిమాండ్ చేస్తూ నూజివీడులోని ట్రిపుల్ ఐటి లెక్చరర్లు శనివారం ఆందోళన ప్రారంభించారు. వీరంతా విధులను బహిష్కరించటంతో పరీక్షలు నిలిచిపోయాయి.

నెల్లూరు: అనుమానం పెనుభూతం కావడంతో భార్యను కత్తితో నరికి చంపి ఓ భర్త ఆత్మహత్య చేసుకున్న ఘటన విడవలూరు మండలం రామతీర్థంలో శనివారం వెలుగు చూసింది. సమాచారం తెలిసిన వెంటనే పోలీసులు గ్రామానికి చేరుకొని మృతదేహాలను పోస్టుమార్టంకు తరలించారు.