చిత్తూరు: చిత్తూరు మేయర్ అనురాధ దంపతుల హత్య కేసులో పోలీసు అధికారులు మరో ఇద్దరు నిందితులను బుధవారం అరెస్ట్ చేశారు. మంగళవారం ఈ కేసుకు సంబంధించి ముగ్గురు నిందితులు లొంగిపోయిన విషయం తెలిసిందే.

అనంతపురం : జనవరినాటికి 11 లక్షల కుటుంబాలకు రేషన్‌కార్డులు అందజేస్తామని మంత్రి పరిటాల సునీత చెప్పారు. ఆమె బుధవారంనాడు రాయదుర్గంలో దీపం పథకం కింద లబ్ధిదారులకు గ్యాస్ కనెక్షన్లను మంజూరు చేశారు. ఈ సందర్భంగా ఆమె మాట్లాడుతూ రైతు సంక్షేమానికి ప్రభుత్వం కట్టుబడి ఉందని అన్నారు.

తిరుమల : భారీ వర్షాలకు శ్రీవారి ఆలయం నీటమునిగినట్లు, ఘాట్‌రోడ్ల పరిస్థితి ప్రమాదకరంగా ఉందని తిరుమల గురించి సోషల్ మీడియాలో జరుగుతున్న ప్రచారం అవాస్తవమని టీటీడీ జేఈవో శ్రీనివాసరాజు స్పష్టం చేశారు. ఎడతెరపిలేని వర్షాలకు కొన్ని సమస్యలు తలెత్తిన మాట వాస్తవమే అయినా భక్తులకు ఎలాంటి ఇబ్బందులు తలెత్తకుండా టీటీడీ ఎప్పటికప్పుడు చర్యలు తీసుకుంటోందని జీఈవో చెప్పారు.

నెల్లూరు: గుంటూరు జిల్లాకు చెందిన ఓ డిప్యూటీ తహసీల్దార్‌పై నెల్లూరు జిల్లా నాయుడుపేటలో స్థానిక సబ్ ఇన్‌స్పెక్టర్ దాడి చేయడంపై రెవిన్యూ ఉద్యోగులు ఆందోళన వ్యక్తం చేస్తున్నారు. నెల్లూరు జిల్లాలో వరద నష్టాన్ని అంచనా వేసేందుకు ఆ డిప్యూటీ తహసీల్దార్ నాయుడుపేట వచ్చి మంగళవారం రాత్రి ఓ హోటల్‌లో బస చేశారు. అదే సమయంలో అక్కడికి వచ్చిన ఎస్‌ఐ హోటల్‌లో బసచేసిన వారి గురించి ఆరా తీశారు.