విజయవాడ: రాజకీయ కక్షతోనే విష్ణుపై అక్రమ కేసులు పెడుతున్నారని పీసీసీ చీఫ్ రఘువీరారెడ్డి ఆరోపించారు. శనివారం విజయవాడ సబ్‌జైలులో విష్ణును ఆయన పరామర్శించారు. పార్టీ తరపున ఆయనకు అండగా ఉంటామని హామీ ఇచ్చారు. స్వర్ణ బార్‌లో జరిగిన మరణాలకు కల్తీ మద్యం కారణం కాదని రఘువీరా అన్నారు. విష ప్రయోగం వల్లే మరణాలు జరిగాయని చెప్పారు.

విజయవాడ ‌:విజయవాడలో ఆహార నియంత్రణ శాఖ అధికారులు వరుసగా రెండో రోజు కూడా తనిఖీలు నిర్వహిస్తున్నారు. నగరంలోని 20 ప్రాంతాల్లో వంటనూనె తయారీ, సుగంధద్రవ్యాలు, పప్పుమిల్లుల్లో ఆహార నియంత్రణ శాఖ అధికారులు ఏకకాలంలో తనిఖీలు చేపట్టారు.

విజయవాడ: సంక్రాంతి సందర్భంగా పేద వర్గాలకు ఇస్తున్న నిత్యావసర సరకులను సక్రమంగా అందజేయాలని, ఈ విషయంలో ఎలాంటి అవకతవకలు జరిగినా కఠిన చర్యలు తప్పవని ఎ.పి. సి.ఎం చంద్రబాబు అధికారులను హెచ్చరించారు. ఆయన శనివారం ఉదయం వివిధ జిల్లాల అధికారులతో టెలీకాన్ఫరెన్స్ నిర్వహించి, చంద్రన్న కానుకల పంపిణీ స్ర్తిలను సమీక్షించారు.

విశాఖ: ఎ.పి. తెలంగాణాల్లో రాత్రిపూట ఉష్ణోగ్రతలు సాధారణం కంటె 2 నుంచి 4 డిగ్రీల వరకు తక్కువగా నమోదవుతున్నాయి. తెలంగాణలోని ఆదిలాబాద్, ఎ.పిలో విశాఖ ఏజెన్సీ, నందిగామ ప్రాంతాల్లో ఉష్ణోగ్రతలు తగ్గాయి. రాబోయే రెండు మూడు రోజుల్లో రాత్రిపూట చలి మరింతగా పెరిగే అవకాశం ఉంది.