కడప: ఖాజీపేట మండలం దుంపలగట్టు వద్ద సోమవారం ఉదయం అదుపుతప్పిన ట్రాక్టర్ రోడ్డుపక్క పూల వ్యాపారులపై దూసుకెళ్లింది. ఓ వ్యాపారి అక్కడికక్కడే మరణించగా, మరో ముగ్గురు తీవ్రంగా గాయపడ్డారు.

విశాఖ: రాష్ట్ర విభజన అనంతరం పలు సమస్యలను ఎదుర్కొంటున్న ఆంధ్రప్రదేశ్‌ను అభివృద్ధిలో అగ్రగామిగా నిలిపేందుకు కేంద్ర ప్రభుత్వం అండగా నిలుస్తుందని కేంద్ర మంత్రి వెంకయ్య హామీ ఇచ్చారు. విశాఖలో భాగస్వామ్య సదస్సు సందర్భంగా సోమవారం ఆయన మాట్లాడుతూ ఎ.పి.కి ఇప్పటికే 1.93 లక్షల ఇళ్లను మంజూరు చేశామన్నారు. 28 పట్టణాలను అమృత్ కింద, ఒక పట్టణాన్ని వారసత్వ నగరంగా గుర్తించామన్నారు.

కాకినాడ: సంక్రాంతి సందర్భంగా నిత్యావసర సరకులను పేదలకు చంద్రన్న కానుక రూపంలో అందజేయాలన్న ఎ.పి. ప్రభుత్వ ఆలోచనకు ఆదిలోనే గండిపడింది. తూర్పుగోదావరి జిల్లాలో రేషన్ దుకాణాల వద్ద ఈ కానుకల కోసం జనం పగలు రాత్రీ పడిగాపులు కాస్తున్నారు. పౌర సరఫరాల శాఖలో సర్వర్లు పనిచేయని కారణంగా చంద్రన్న కానుక పంపిణీలో ఆలస్యం జరుగుతున్నట్లు అధికారులు చెబుతున్నారు.

తణుకు: ఏడాదిలోగా పోలవరం ఎడమ కాలువ పనులు పూర్తి చేసి విశాఖకు తాగునీరు ఇస్తామని ఆంధ్రప్రదేశ్‌ భారీ నీటిపారుదలశాఖ మంత్రి దేవినేని ఉమామహేశ్వరరావు స్పష్టం చేశారు. శనివారం పశ్చిమగోదావరి జిల్లా తణుకులో ‘జన్మభూమి-మావూరు’ కార్యక్రమంలో మంత్రి అయ్యన్నపాత్రుడుతో కలిసి ఆయన పాల్గొన్నారు. ఈ సందర్భంగా మంత్రి అయ్యన్న పాత్రుడు మాట్లాడుతూ.. ఏటా 5వేల కి.మీ.