దిల్లీ: పలు రాష్ట్రాల అభ్యర్థన మేరకు ‘నీట్’ పరీక్షకు ఈ ఏడాది మినహాయింపు ఇస్తున్నట్లు కేంద్ర ఆరోగ్యశాఖా మంత్రి జెపి నడ్డా శుక్రవారం ఇక్కడ ప్రకటించారు. ‘నీట్’ను వాయిదా వేసేందుకు కేంద్రం ఆర్డినెన్స్ జారీ చేస్తున్నట్లు ఆయన తెలిపారు. ప్రధాని నరేంద్ర మోదీ అధ్యక్షతన ఇక్కడ జరిగిన కేంద్ర మంత్రిమండలి నిర్ణయంలో ఈ ఆర్డినెన్స్‌కు ఆమోదముద్ర లభించింది.

దిల్లీ: మెడికల్ కోర్సుల్లో అడ్మిషన్లకు దేశవ్యాప్త ప్రవేశ పరీక్ష (నీట్)నుంచి రాష్ట్రాలకు ఈ ఏడాది మినహాయింపు ఇచ్చేలా ఆర్డినెన్స్ జారీ చేయాలని కేంద్రం కసరత్తు చేస్తోంది. ఇక్కడ శుక్రవారం ఉదయం ప్రధాని నరేంద్ర మోదీ అధ్యక్షతన ప్రారంభమైన కేంద్ర క్యాబినెట్ సమావేశంలో ఈ ఆర్డినెన్స్‌పై చర్చ జరుగుతోంది. ‘నీట్’ నుంచి ఈ ఏడాది మినహాయించాలని ఇటీవల పలు రాష్ట్రాలు ప్రధానికి విజ్ఞప్తి చేసిన సంగతి తెలిసిందే.

చెన్నై, మే 19: 14వ ఏటే హిందీ వ్యతిరేక ఉద్యమం ద్వారా రాజకీయాల్లోకి ప్రవేశించిన డీ ఎంకే చీఫ్ ఎం.కరుణానిధి.. తన రాజకీయాల్లో అధికారంలో ఉన్నా, లేకపోయినా.. శాసనసభ్యుడిగా ఏనాడూ ఓటమి పదాన్ని వినలేదు. 1957లో తొలిసారి తమిళనాడు శాసనభకు ఎన్నికైన కరుణానిధి. ఇప్పటివరకూ పోటీ చేసిన ప్రతిసారీ ఘన విజయాన్ని నమోదు చేసి చరిత్ర సృష్టించారు. 92 ఏళ్ల ఈ కురువృద్ధుడు 13వ సారి తమిళనాడు అసెంబ్లీకి తాజాగా ఎన్నికయ్యారు.

న్యూఢిల్లీ, మే 19: అసోం, కేరళ రాష్ట్రాల్లో ఓటమిని చవిచూసిన కాంగ్రెస్‌లో విషాద ఛాయలు అలుముకున్నాయి. పార్టీ ఉపాధ్యక్షుడు రాహుల్ గాంధీ నాయకత్వం మరోసారి ప్రశ్నార్థకం కావటంతో కాంగ్రెస్ నాయకులు, కార్యకర్తల్లో ఆందోళన వ్యక్తమవుతోంది. రాహుల్ నాయకత్వంలో బతికి బట్టకట్టగలుగుతామా? అనే అనుమానాలు వ్యక్తమవుతున్నాయి. అసోం, కేరళ, పశ్చిమ బెంగాల్ రాష్ట్రాల్లో రాహుల్ పెద్ద ఎత్తున ఎన్నికల ప్రచారం చేశారు.