దిల్లీ: వచ్చే నెల 18 నుంచి ఆగస్టు 12 వరకూ పార్లమెంటు సమావేశాలను నిర్వహించాలని పార్లమెంటరీ వ్యవహారాల మంత్రివర్గ ఉపసంఘం నిర్ణయించింది. రాబోయే సమావేశంలో జిఎస్‌టి బిల్లు పార్లమెంటు ఆమోదం పొందుతుందన్న ఆశాభావాన్ని కేంద్ర పార్లమెంటరీ వ్యవహారాల మంత్రి వెంకయ్యనాయుడు బుధవారం వ్యక్తం చేశారు. ‘నీట్’ సహా పెండింగ్‌లో ఉన్న మూడు ఆర్డినెన్స్‌లను సమావేశాల్లో ఆమోదించాల్సి ఉందన్నారు.

చెన్నై, జూన్ 28: దాదాపురెండున్నర గంటలపాటు తమ కుమార్తె రక్తపుమడుగులో కొట్టుమిట్టాడుతున్నా ఆమెను ఎవరూ పట్టించుకోలేదని దారుణ హత్యకు గురైన ఐటి ఉద్యోగిని స్వాతి కుటుంబ సభ్యులు తీవ్ర ఆవేదన వ్యక్తం చేస్తున్నారు. నుంగంబాకం స్టేషన్ వద్ద నడిరోడ్డుపై ఈ దారుణ హత్య జరిగినా కూడా ప్రతి ఒక్కరూ వౌన ప్రేక్షకుల్లా మిగిలిపోవడం దిగ్భ్రాంతి కలిగిస్తోందని ఆమె తండ్రి కన్నీళ్ల పర్యంతమయ్యారు.

న్యూఢిల్లీ, జూన్ 28: దేశంలో స్వలింగ సంపర్కం నేరంగా పరిగణించే భారత శిక్షాస్మృతిలోని 377 సెక్షన్ రద్దుచేయాలంటూ పలువురు సెలబ్రిటీలు సుప్రీం కోర్టును ఆశ్రయించారు. ప్రముఖ చెఫ్ రీతూ దాల్మియా, అమన్‌నాథ్, డాన్సర్ ఎన్‌ఎస్ జోహార్ తదితరులు కోర్టులో పిటిషన్ వేశారు. సెక్స్‌కూడా ప్రాథమిక హక్కుల్లో అంతర్గత భాగమేమని వారు చెప్పారు.

న్యూఢిల్లీ, జూన్ 28: ఆంధ్రప్రదేశ్‌లో వెయ్యి జన ఔషధ దుకాణాల ఏర్పాటుకు కేంద్ర రసాయన, ఎరువుల మంత్రిత్వ శాఖతో ఎపీ ప్రభుత్వం ఒప్పందం కుదుర్చుకుంది. ప్రధానమంత్రి జన ఔషధ యోజన పథకం కింద మంగళవారం కేంద్రమంత్రి అనంత్ కుమార్, ఏపీ వైద్యమంత్రి కామినేని శ్రీనివాస్ ఒప్పంద పత్రాలపై సంతకాలు చేశారు. ప్రతి మండలంలో ఓ జనరిక్ దుకాణం ఏర్పాటు చేయాలన్న రాష్ట్ర ప్రభుత్వ సంకల్పంలో భాగంగా ఈ ఒప్పందం కుదిరింది.