లక్నో: జాతీయ దర్యాప్తు సంస్థ (ఎన్‌ఐఎ) అధికారి తాంజల్ అహ్మద్ హత్యకేసులో కీలక నిందితుడైన మునీర్‌ను యుపి పోలీసులు మంగళవారం అరెస్టు చేశారు. గత ఏప్రిల్‌లో అహ్మద్ తన కుటుంబ సభ్యులతో కలిసి ఓ వివాహ వేడుకకు హాజరై కారులో తిరిగి వస్తుండగా మునీర్ గ్యాంగ్ కాల్పులు జరిపింది. ఫలితంగా అహ్మద్, ఆయన భార్య మరణించారు.

ముంబయి: ఈరోజు ఉదయం నుంచి స్టాక్‌ మార్కెట్లు లాభాల్లో కొనసాగుతున్నాయి. డాలర్‌తో రూపాయి మారకం విలువ 23 పైసలు బలపడి రూ.67.72 వద్ద కొనసాగుతోంది. 50 పాయింట్లకు పైగా లాభంలో సెన్సెక్స్‌, 15 పాయింట్లకు పైగా లాభంలో నిఫ్టీ ట్రేడవుతున్నాయి.

న్యూఢిల్లీ, జూన్ 27: కోటి మందికి పైగా ప్రభుత్వ ఉద్యోగులు, పెన్షనర్లకు ప్రయోజనం కలిగించే ఏడో వేతన సంఘం సిఫార్సులను కేంద్ర ప్రభుత్వం త్వరలోనే అమలు చేసే అవకాశం ఉంది. వేతన సంఘం సిఫార్సులపై కేబినెట్ కార్యదర్శి పికె సిన్హా సారథ్యంలో అధ్యయనం జరిపిన కమిటీ తన నివేదికను సమర్పించింది. దీన్ని కేంద్రం ఆమోదించే అవకాశం ఉందని, ఈ నెల 29లోగానే అమలుపై నిర్ణయం తీసుకోవచ్చునని ఆర్థిక మంత్రిత్వ శాఖ వర్గాలు తెలిపాయి.

రాంచీ, జూన్ 27: త్వరలోనే దేశంనుంచి నక్సలిజాన్ని పూర్తిగా తుడిచిపెట్టేస్తామని కేంద్రం ప్రకటించింది. వామక్ష తీవ్రవాదంవల్ల దేశం ఎంతో నష్టపోయిందని కేంద్ర హోమ్ మంత్రి రాజ్‌నాథ్ సింగ్ సోమవారం ఇక్కడ ఆందోళన వ్యక్తం చేశారు. దేశంలోనే నక్సల్స్ రహిత రాష్ట్రంగా జార్ఖండ్ ఆవిర్భవించే రోజులు దగ్గర్లోనే ఉన్నాయని ఆయన ధీమాగా చెప్పారు. ‘జార్ఖండ్‌లో నక్సలిజం మూలాలు దొరికాయి.