న్యూఢిల్లీ, ఆగస్టు 17: జమ్మూకాశ్మీర్‌లోని ఉగ్రవాదులకు విదేశాలలోని వారి సానుభూతిపరులు కాశ్మీర్‌కు చెందిన సామాన్య ప్రజల బ్యాంకు ఖాతాల ద్వారా అందజేస్తున్న విరాళాలపై జాతీయ దర్యాప్తు సంస్థ (ఎన్‌ఐఎ) దర్యాప్తు ప్రారంభించింది.

శ్రీనగర్, ఆగస్టు 17: కాశ్మీర్‌లో యలో ఆర్మీ కాన్వాయ్‌పై మిలిటెంట్లు తెగబడ్డారు. బారాముల్లా జి ల్లా ఖ్వా జాబాగ్‌లో మిలిటెంట్ల దాడిలో ఇద్దరు జవాన్లు మృతి చెందారు. బుధవారం మధ్యాహ్నం 2.30 గంటల ప్రాంతం లో ఇది చోటుచేసుకుంది. మిలిటెంట్లదాడిలో ఓ సైనికుడు గాయపడ్డాడని పోలీసులు వెల్లడించారు. తీవ్రవాదులను పట్టుకోడానికి ఆ ప్రాంతమంతా గాలింపుచేపట్టినట్టు వారు తెలిపారు.

న్యూఢిల్లీ, ఆగస్టు 17: మహారాష్టల్రో జన్మాష్టమి సందర్భంగా నిర్వహించే సంప్రదాయ దహీ హండీ (ఉట్లు కొట్టే కార్యక్ర మం)లో పాల్గొనే వారి వయ సు 18 ఏళ్ల కన్నా తక్కువ ఉండరాదని సుప్రీంకోర్టు స్పష్టం చేసింది. అంతేకాకుండా ఉట్టి కొట్టడానికి ఏర్పడే మానవ పిరమిడ్‌ల ఎత్తు 20 మీటర్లకు మించరాదంటూ బొంబాయి హైకోర్టు విధించిన ఆంక్షను సడలించడానికి సైతం సుప్రీంకోర్టు నిరాకరించింది.

షిర్డీ, ఆగస్టు 17: దేశంలో ప్రముఖ ఆలయాల్లో ఒకటైన షిర్డీసాయి గుడికి వచ్చే భక్తులు ఇబ్బందులు లేకుండా దర్శనం చేసుకునేందుకు శ్రీ సాయిబాబా సంస్థాన్ ట్రస్ట్(ఎస్‌ఎస్‌ఎస్‌టి) ఏర్పాట్లు చేస్తోంది. గంటల తరబడి క్యూలో నిలబడే పరిస్థితి లేకుండా ఉండేందుకు ‘దర్శనం’ కల్పిస్తారు. అంటే భక్తులు ముందుగానే దర్శనం కోసం రిజిస్ట్రేషన్ చేయించుకోవచ్చు. ప్రస్తుతం ఈ పద్ధతి తిరుపతిలో అమల్లో ఉంది.