హైదరాబాద్: గణతంత్ర దినోత్సవం సందర్భంగా ఎ.పి., తెలంగాణల్లో మంగళవారం ఉదయం ఉమ్మడి రాష్ట్రాల గవర్నర్ నరసింహన్ పతాకావిష్కరణ చేశారు. తొలుత ఆయన విజయవాడలో జాతీయ జెండాను ఎగురవేసి, గౌరవ వందనం స్వీకరించారు. ఈ కార్యక్రమంలో సి.ఎం. చంద్రబాబు, ఆయన మంత్రివర్గ సహచరులు, ఉన్నతాధికారులు పాల్గొన్నారు. అనంతరం గవర్నర్ సికిందరాబాద్ పెరేడ్ గ్రౌండ్స్‌లో పతాకాన్ని ఆవిష్కరించి గౌరవ వందనం స్వీకరించారు. తెలంగాణ సి.ఎం.

కరీంనగర్ :వేములవాడ రాజన్న ఆలయానికి భక్తులు పోటెత్తారు. సమక్క-సారక్క జాతరకు వెళ్లడానికి ముందు భక్తులు శ్రీరాజరాజేశ్వరస్వామిని దర్శించుకోవటం ఆనవాయితీగా వస్తోంది. మరోవైపు తెల్లవారుజామున ఆలయం ఎదుట ఉన్న కళాభవన్‌లో 500 మందికిపైగా స్వాములు శివదీక్ష తీసుకున్నారు.

హైదరాబాద్: రాజేంద్రనగర్ సమీపంలోని ఇందిరానగర్‌లో ఆదివారం అర్ధరాత్రి పేకాట స్థావరాలపై పోలీసులు ఆకస్మికంగా దాడులు చేసి 18 మందిని అరెస్టు చేశారు. నిందితుల నుంచి 15 సెల్‌ఫోన్లు, 20వేల రూపాయల నగదు, వేటకొడవళ్లు, కత్తులు స్వాధీనం చేసుకున్నారు.

హైదరాబాద్: దివంగత హాస్యనటుడు ఎం.ఎస్.నారాయణ భార్య కళాప్రపూర్ణ (63) సోమవారం ఉదయం నగరంలో మరణించారు. గత ఏడాది జనవరి 23న మరణించిన నారాయణకు సంవత్సరీకాలు పూర్తయిన సందర్భంలోనే ఆమె మరణించటం కుటుంబ సభ్యులకు విషాదాన్ని మిగిల్చింది. ఆమె మరణం పట్ల పలువురు సినీ ప్రముఖులు సంతాపం వ్యక్తం చేశారు.