న్యూఢిల్లీ, ఫిబ్రవరి 23: ప్రజలలో కాంగ్రెస్ పార్టీ దిక్కూమొక్కూ లేని అసహాయ స్థితిలో ఉందనే భావన అంతకంతకూ పెరుగుతోందని, దీనినుంచి బయటపడటానికి పార్టీ నాయకత్వ సమస్యలకు అధిక ప్రాధాన్యమిచ్చి పరిష్కరించుకోవాలని ఆ పార్టీ సీనియర్ నాయకుడు, తిరువనంతపురం ఎంపీ శశి థరూర్ పేర్కొన్నారు.

అలీగఢ్ (ఉత్తర్‌ప్రదేశ్), ఫిబ్రవరి 23: ఉత్తర్‌ప్రదేశ్‌లోని అలీగఢ్ పాత నగరంలో ఆదివారం సాయంత్రం పౌరసత్వ సవరణ చట్టం (సీఏఏ)కు వ్యతిరేకంగా ఆందోళన చేస్తున్న వారికి, పోలీసులకు మధ్య ఘర్షణలు జరిగాయి. ఆందోళనకారులు ఆస్తుల దహనానికి, రాళ్లు రువ్వడానికి పాల్పడటంతో పోలీసులు బాష్పవాయు గోళాలను ప్రయోగించారని అధికారులు తెలిపారు.

ముంబయి: 2020 సంవత్సరానికి ‘లివా మిస్ దివా యూరివర్స్’ కిరీటాన్ని మంగళూరుకు చెందిన అడ్లిన్ కేస్టెలినో కైవసం చేసుకుంది. ఇక్కడి వైఆర్‌ఎఫ్ స్టూడియోస్‌లో ఆదివారం జరిగిన కార్యక్రమంలో గత పోటీల విజేత వర్టికా సింగ్ కేస్టెలినోకు మకుట ధారణ చేసింది. జబల్‌పూర్‌కు చెందిన ఆవ్రితి చౌదరి ఈ పోటీల్లో కేస్టెలినోకు చేరువగా వచ్చింది. చివరికి మిస్ దివా సూపర్‌నేషనల్ టైటిల్‌ను దక్కించుకుంది.

హూస్టన్: భారత్-అమెరికా మధ్య బలమైన మైత్రీ బంధాన్ని పెంపొందించడంలో ‘హౌడీ-మోడీ’ తరహాలోనే ‘నమస్తే ట్రంప్’ కూడా విజయవంతం కాగలదన్న ఆశాభావం వ్యక్తమవుతోంది. గత ఏడాది సెప్టెంబర్‌లో హౌడీ మోడీ కార్యక్రమాన్ని నిర్వహించిన బృందం ట్రంప్ భార త్ పర్యటన సందర్భంగా ప్రతిష్టాత్మకంగా భావిస్తున్న ‘నమస్తే ట్రంప్’ కార్యక్రమం కూడా విజయవంతం కావాలని స్పష్టం చేసింది.