S ,7 à 8 RSCA (si SASPAS) et 6 cialis pharmacie cialis rapports de stage.
బాలీవుడ్ హీరోల్లో.. ఏకబిగిన సినిమాలు చేస్తూ అక్షయ్ హిట్లు కొడుతుంటే -హీరోయిన్లలో గ్యాప్ తీసుకోకుండా వరుస సినిమాలతో మెప్పిస్తోంది కంగనా రనౌత్. ఈమధ్యే పెళ్లయిన యువతిగా కబడ్డీ ఆడి -‘పంగా’తో మెప్పించిన కంగాన.. తాజాగా ‘తేజాస్’ని ప్రకటించింది. ప్రాజెక్టుని ప్రకటిస్తూనే ఫస్ట్లుక్ వదుల్తూ -ఇండియన్ ఎయిర్ ఫోర్స్ పైలెట్గా యూనిఫాంలోవున్న పోజుతో అదరగొడుతోంది. బ్యాక్డ్రాప్లో ఫైటర్ జెట్ చూస్తూంటే..
ఇద్దరు స్టార్ హీరోయిన్లు ఒకే స్క్రీన్పై కనిపించటం ఒక ఆనందమైతే -వాళ్లిద్దరి మధ్య ‘లవ్’ ఫైట్ మరింత వినోదమే. ఒకప్పుడు ఎన్టీఆర్, ఏయన్నార్, కృష్ణ, శోభన్బాబు.. ఆ తరువాతి కాలంలో చిరంజీవి.. ఇలా కథానాయకుడి కోసం -ఇద్దరు హీరోయిన్లు తగవులాడుకునే సినిమాలెన్నో వచ్చేవి. ఈకాలంలో అలాంటి వినోదాన్ని రంగరించిన సినిమాలో -సమంత, నయనతార కనిపించనున్నారు.
మూడేళ్ల గ్యాప్ తరువాత సొంత బ్యానర్పై మంచు మనోజ్ సర్ప్రైజింగ్ ప్రాజెక్టు ప్రకటించాడు. తెలుగు, తమిళ, కన్నడ, హిందీ భాషల్లో విడుదలకు వీలుగా డిఫరెంట్ కానె్సప్ట్ ఎంచుకున్నాడు. కొత్త దర్శకుడు శ్రీకాంత్రెడ్డి పనితనంపై నమ్మకంతో రేసులోకి దిగుతున్నాడు. వైవిధ్యమైన స్క్రిప్ట్లో ఫ్రెష్ ఫేస్ బెటరన్న ఆలోచనతో -ఓ యాంకర్ని ఎంపిక చేసుకున్నట్టు తెలుస్తోంది.
మణిరత్నం డ్రీమ్ ప్రాజెక్టు పొన్నియన్ సెల్వన్ చిత్రంలో తెలుగమ్మాయి శోభితా ధూళిపాళకు చాన్స్ వచ్చింది. పాన్ ఇండియా సినిమాగా భారీ బడ్జెట్తో మద్రాస్ టాకీస్, లైకా ప్రొడక్షన్స్ పతాకంపై రూపొందిస్తున్న చిత్రంలో విక్రమ్, కార్తి, జయం రవి, ఐశ్వర్యరాయ్ లీడ్రోల్స్ చేస్తున్నారు. సినిమాకు సంబంధించిన తొలి షెడ్యూల్ చెన్నైలో పూరె్తైంది. ప్రస్తుతం రెండో షెడ్యూల్ హైదరాబాద్లో జరుగుతోంది.
దర్శకుడు సుకుమార్ తెరకెక్కించిన ‘రంగస్థలం’లో డౌన్ టు ఎర్త్ పాత్రతో -తన పెర్ఫార్మెన్స్ పరిధిని విస్తరించాడు రామ్చరణ్. కెరీర్లో ఎన్ని హీరో పాత్రలేసినా -వేళ్లపై లెక్కపెట్టుకోదగ్గ ప్రాణప్రద పాత్రల జాబితాలో ‘చిట్టిబాబు’ ఎప్పటికీ ఉంటాడు. ఇప్పుడు దర్శకుడు కొరటాల చిత్రంలో అలాంటి వైవిధ్యమున్న పాత్రను రామ్చరణ్ పోషిస్తున్నాడట.
భవ్య క్రియేషన్స్పై దర్శకుడు చెందు ముద్దు తెరకెక్కిస్తోన్న చిత్రం -ఓ పిట్ట కథ. విశ్వంత్ దుద్దుంపూడి, సంజయ్రావ్, నిత్యశెట్టి హీరో హీరోయిన్లుగా వి ఆనంద్ప్రసాద్ నిర్మిస్తోన్న చిత్రమిది. చిత్రీకరణ పూర్తి చేసుకున్న సినిమా మార్చి 6న థియేటర్లకు రానుంది. ఇటీవల విడుదలైన టీజర్కు మంచి రెస్పాన్స్ వచ్చింది. ‘ఏమై పోతానే.. మనసిక ఆగేలా లేదే’ అంటూ సాగే మెలోడీ పాటను స్టార్ హీరోయిన్ పూజాహెగ్దె రిలీజ్ చేసింది.
రావణ లంక. ఆసక్తికరమైన క్యాచీ టైటిల్తో కె సిరీస్ మూవీస్ ఫ్యాక్టరీ నుంచి సినిమారానుంది. మురళీ శర్మ, దేవ్గిల్ ప్రధాన పాత్రలుగా క్రిష్ సమర్పణలో బిఎన్ఎస్ రాజు తెరకెక్కిస్తోన్న చిత్రమిది. క్రిష్, అస్మిత, త్రిష నాయకా నాయికల పాత్రలు పోషిస్తున్నారు. సస్పెన్స్ క్రైమ్ థ్రిల్లర్ జోనర్లో తెరకెక్కుతోన్న చిత్రానికి సంబంధించి పాట వినా మిగతా షూటింగ్ పూరె్తైనట్టు చిత్రబృందం వెల్లడించింది.
నితిన్, రష్మిక జోడీగా ఛలో ఫేమ్ వెంకీ కుడుముల తెరకెక్కిస్తోన్న చిత్రం - భీష్మ. ఫిబ్రవరి 21న సినిమా విడుదల కానున్న నేపథ్యంలో చిత్రబృందం ప్రమోషన్స్ని వేగవంతం చేసింది. అందులో భాగంగా తొలిసారి నితిన్తో జోడీకట్టిన రష్మిక ఆదివారం మీడియాతో ముచ్చటించింది.
తమిళంలో నయనతార చేసిన లేడీ ఓరియంటెడ్ చిత్రం ఇప్పుడు తెలుగులో విడుదలవుతోంది. 5 కలర్స్ మల్టీ మీడియాపై విఎస్ఎస్ శ్రీనివాస్ తెలుగులో అందిస్తున్న ఆ చిత్రం -వసంత కాలం. తమిళంలో ఘన విజయం సాధించిన హారర్ థ్రిల్లర్ను 21న తెలుగులో విడుదల చేస్తున్నారు.
మణిరత్నం తెరకెక్కించిన ‘దొంగ దొంగ’ చిత్రం పాటలోని తొలి మూడు పదాలే టైటిల్గా -మలయాళీ హీరో దుల్కర్ సల్మాన్ సినిమా వస్తోంది. రీతూవర్మ హీరోయిన్. వీళ్లిద్దరూ జోడీగా మలయాళంలో దర్శకుడు దేసింగ్ పెరియసామి తెరకెక్కించిన రొమాంటిక్ థ్రిల్లర్ -కణ్ణుమ్ కణ్ణుమ్ కుళ్లయడిత్తా. ఈ సినిమా తెలుగులో కనులు కనులు దోచాయంటే టైటిల్తో విడుదలవుతోంది.