ఇద్దరు స్టార్ హీరోయిన్లు ఒకే స్క్రీన్‌పై కనిపించటం ఒక ఆనందమైతే -వాళ్లిద్దరి మధ్య ‘లవ్’ ఫైట్ మరింత వినోదమే. ఒకప్పుడు ఎన్టీఆర్, ఏయన్నార్, కృష్ణ, శోభన్‌బాబు.. ఆ తరువాతి కాలంలో చిరంజీవి.. ఇలా కథానాయకుడి కోసం -ఇద్దరు హీరోయిన్లు తగవులాడుకునే సినిమాలెన్నో వచ్చేవి. ఈకాలంలో అలాంటి వినోదాన్ని రంగరించిన సినిమాలో -సమంత, నయనతార కనిపించనున్నారు.

మణిరత్నం డ్రీమ్ ప్రాజెక్టు పొన్నియన్ సెల్వన్ చిత్రంలో తెలుగమ్మాయి శోభితా ధూళిపాళకు చాన్స్ వచ్చింది. పాన్ ఇండియా సినిమాగా భారీ బడ్జెట్‌తో మద్రాస్ టాకీస్, లైకా ప్రొడక్షన్స్ పతాకంపై రూపొందిస్తున్న చిత్రంలో విక్రమ్, కార్తి, జయం రవి, ఐశ్వర్యరాయ్ లీడ్‌రోల్స్ చేస్తున్నారు. సినిమాకు సంబంధించిన తొలి షెడ్యూల్ చెన్నైలో పూరె్తైంది. ప్రస్తుతం రెండో షెడ్యూల్ హైదరాబాద్‌లో జరుగుతోంది.

భవ్య క్రియేషన్స్‌పై దర్శకుడు చెందు ముద్దు తెరకెక్కిస్తోన్న చిత్రం -ఓ పిట్ట కథ. విశ్వంత్ దుద్దుంపూడి, సంజయ్‌రావ్, నిత్యశెట్టి హీరో హీరోయిన్లుగా వి ఆనంద్‌ప్రసాద్ నిర్మిస్తోన్న చిత్రమిది. చిత్రీకరణ పూర్తి చేసుకున్న సినిమా మార్చి 6న థియేటర్లకు రానుంది. ఇటీవల విడుదలైన టీజర్‌కు మంచి రెస్పాన్స్ వచ్చింది. ‘ఏమై పోతానే.. మనసిక ఆగేలా లేదే’ అంటూ సాగే మెలోడీ పాటను స్టార్ హీరోయిన్ పూజాహెగ్దె రిలీజ్ చేసింది.

నితిన్, రష్మిక జోడీగా ఛలో ఫేమ్ వెంకీ కుడుముల తెరకెక్కిస్తోన్న చిత్రం - భీష్మ. ఫిబ్రవరి 21న సినిమా విడుదల కానున్న నేపథ్యంలో చిత్రబృందం ప్రమోషన్స్‌ని వేగవంతం చేసింది. అందులో భాగంగా తొలిసారి నితిన్‌తో జోడీకట్టిన రష్మిక ఆదివారం మీడియాతో ముచ్చటించింది.