హైదరాబాద్, మే 1: వచ్చే నెల 15వ తేదీ నాటికి హైదరాబాద్‌నుంచి ఆంధ్ర రాష్ట్ర రాజధాని అమరావతికి తరలించనున్న మొదటి విడత ప్రభుత్వ శాఖల గుర్తింపు దాదాపు ఖరారైంది. అమరావతి రాజధాని ప్రాంతంలో వెలగపూడి వద్ద తాత్కాలిక సచివాలయ నిర్మాణం పనులు వేగవంతమవుతున్న విషయం విదితమే.

విజయవాడ:విభజన చట్టం మేరకు కేంద్రంనుంచి రావలసిన నిధులకోసం రాజీలేని పోరాటం చేస్తామని ఏపి ముఖ్యమంత్రి చంద్రబాబు నాయుడు స్పష్టం చేశారు. విజయవాడలో జరిగిన మేడే వేడుకల్లో పాల్గొన్న చంద్రబాబు ప్రసంగిస్తూ కేంద్రంనుంచి ఆశించిన స్థాయిలో సహకారం అందడం లేదన్నారు. నిధుల రాబట్టే విషయంలో తగిన విధంగా స్పందించడం లేదని కొందరు పనిగట్టుకుని ప్రచారం చేస్తున్నారని, ఇది రాజకీయమని అన్నారు.

విశాఖపట్నం, ఏప్రిల్ 30: కృష్ణ, గోదావరి నదీజలాల పంపిణీ, వినియోగానికి కేంద్ర జలవనరుల మంత్రి నేతృత్వంలో నాలుగు రాష్ట్రాల సిఎంలతో కూడిన అపెక్స్ బాడీ ఏర్పాటు చేయాలని సిఎం చంద్రబాబు కేంద్రానికి విజ్ఞప్తి చేశారు. నీరు- ప్రగతి కార్యక్రమంలో భాగంగా విశాఖ నగరంలో శనివారం ఏర్పాటు చేసిన సదస్సులో ఆయన మాట్లాడుతూ అపెక్స్‌బాడీ ఏర్పాటు అంశాన్ని విభజన చట్టంలో పొందుపరిచారని గుర్తుచేశారు.

గుంటూరు, ఏప్రిల్ 30: ఆంధ్రప్రదేశ్ రాజధాని అమరావతి రహదారుల చక్రబంధంలో ఇరుక్కోనుంది. అందుబాటులో జాతీయ రహదారులు ఉన్నప్పటికీ అనాలోచిత నిర్ణయాల కారణంగా వందల కోట్ల రూపాయల వృథా ఖర్చుతోపాటు భవిష్యత్తు ప్రయోజనాలకు ప్రమాదకరంగా పరిణమించే నిర్ణయాలతో డిజైన్లు రూపొందిస్తున్నారని నిపుణులు హెచ్చరిస్తున్నారు. రాజధాని ప్రాంత, నగర, సీడ్ కేపిటల్ మాస్టర్‌ప్లాన్‌లను సింగపూర్ సర్బానో జురాంగ సంస్థ అందించింది.