గుంటూరు, సెప్టెంబర్ 16: ఆంధ్రప్రదేశ్ ప్రత్యేక రక్షక బలగాలు వెలగపూడి చేరుకున్నాయి. సచివాలయంలో ఏపిఎస్‌పిఎఫ్ దళాల భద్రతలో భాగంగా ఏపిఎస్‌పిఎఫ్ డిఐజి, ఇతర ఉన్నతాధికారులు లాంఛనంగా పూజలు నిర్వహించి కార్యాలయంలోకి ప్రవేశించారు. సుమారు వంద మంది వరకు సిబ్బందికి ప్రత్యేక బ్యారక్‌ను ఏర్పాటుచేశారు. ఇప్పటి వరకు సచివాలయ భద్రతా చర్యలను ఏపిఎస్‌పి బెటాలియన్ నిర్వహిస్తోంది.

హైదరాబాద్, సెప్టెంబర్ 16: ఆంధ్రప్రదేశ్‌కు కేంద్రం ప్యాకేజీ ప్రకటించిన నేపథ్యంలో ఇప్పటివరకూ కొనసాగుతున్న హోదా సెంటిమెంటు స్థానంలో ప్యాకేజీని జనంలోకి తీసుకువెళ్లేందుకు ముఖ్యమంత్రి, తెదేపా అధినేత చంద్రబాబు స్వయంగా నడుంబిగించారు. ప్రజల హృదయంలో హోదా బలంగా నాటుకుపోయి, అదొక సెంటిమెంటుగా మారిన నేపథ్యంలో దానిని తొలగించే ప్రచారానికి బాబు శ్రీకారం చుట్టనున్నారు.

హైదరాబాద్, సెప్టెంబర్ 16: తెలంగాణలో గ్యాంగ్‌స్టర్ నరుూమ్ ట్యాక్స్ వసూలు చేసినట్లు ఆంధ్రప్రదేశ్‌లో ప్రస్తుతం లోకేష్ ట్యాక్స్ నడుస్తోందని వైకాపా అధికార ప్రతినిధి అంబటి రాంబాబు ధ్వజమెత్తారు. శుక్రవారం ఇక్కడ ఆయన విలేఖర్ల సమావేశంలో మాట్లాడుతూ, చంద్రబాబు తన కుమారుడు లోకేష్‌ను సిఎంగా చేయడమే లక్ష్యంగా పెట్టుకున్నారన్నారు. రాజధాని, ప్రాజెక్టుల నిర్మాణాలకు తాము వ్యతిరేకం కాదని ఆయన స్పష్టం చేశారు.

విశాఖపట్నం, సెప్టెంబర్ 16:ఆర్థిక వృద్ధికి పట్టణ పునరుత్థాన ఆవశ్యకతను ఉద్ఘాటిస్తూ మూడు రోజుల బ్రిక్స్ దేశాల సదస్సు శుక్రవారంనాడిక్కడ ముగిసింది. ఆర్థిక అభివృద్ధి, ప్రజలకు సమస్యల్లేని జీవన సౌకర్యమే లక్ష్యంగా పట్టణ ప్రాంతాల ప్రణాళికల రూపకల్పన జరగాలని బ్రిక్స్ దేశాలు పిలుపునిచ్చాయి.