విశాఖ : తూర్పు నావికాదళం ఆధ్వర్యంలో ప్రపంచ తీర ప్రాంత దినోత్సవం సందర్బంగా శనివారం ఉదయం విశాఖలో బీచ్ క్లీనింగ్ కార్యక్రమాన్ని చేపట్టారు. చీఫ్ నావెల్ అడ్మిరల్, నావీ అధికారుల కుటుంబసభ్యులు, పోలీస్ కమిషనర్ యోగానంద్, జీవీఎంసీ కమిషనర్, విద్యార్థులు పాల్గొన్నారు.

నల్గొండ: చిన్నకందుకూరును యాదాద్రి మండలంలో ఉంచాలని డిమాండ్‌ చేస్తూ వరంగల్‌-హైదరాబాద్‌ హైవేపై గ్రామస్తులు బైఠాయించి శనివారం ఆందోళనకు దిగారు. దాదాపు రెండు గంటలుగా ట్రాఫిక్‌జాం అయ్యింది. రంగంలోకి దిగిన పోలీసులు ఆందోళనకారులపై లాఠీచార్జ్ చేశారు. 20 మందిని అదుపులోకి తీసుకున్నారు.

విజయవాడ: ‘ 1972లో ఏపీని విభజించి ఉంటే ఆంధ్రప్రదేశ్‌ ముఖచిత్రమే మారేది... 2004 ఎన్నికల ప్రణాళికలో తెలంగాణ ఇస్తామని కాంగ్రెస్‌ చెప్పింది... 2004 నుంచి 2014 వరకు అధికారంలో ఉన్న కాంగ్రెస్‌ ఏమాత్రం పట్టించుకోలేదు. 2004లో కాంగ్రెస్‌ తీర్మానం చేశాక అన్ని పార్టీలు తెలంగాణ ఏర్పడాలని ఉత్తరాలు ఇచ్చాయి...’ అని కేంద్రమంత్రి వెంకయ్యనాయుడు అన్నారు.

పెరవలి, సెప్టెంబర్ 16: కరణం పాత్రనే తన పేరుగా ఖ్యాతిగాంచిన ఆంధ్రప్రదేశ్ ప్రజానాట్యమండలి ‘్భబాగోతం’ నృత్య నాటికలోని కరణం పాత్రధారి ముత్యాల వెంకటేశ్వరరావు(66) శుక్రవారం మృతిచెందారు. ఆయనకు భార్య, కుమారుడు, కుమార్తె ఉన్నారు. పశ్చిమగోదావరి జిల్లా పెరవలి మండలం అన్నవరప్పాడుకు చెందిన వెంకటేశ్వరరావు గత కొద్దికాలంగా ఆనారోగ్యంతో బాధపడుతున్నారు.