హైదరాబాద్, నార్సింగి, డిసెంబర్ 11: కంటి ఆపరేషన్లు నిర్వహించటంలో దక్షిణ భారతదేశంలోనే పేరుగాంచిన సరోజినీదేవి కంటి ఆసుపత్రికీ నీటి ఎద్దడి తప్పలేదు. గడిచిన మూడురోజుల నుంచి ఆసుపత్రికి నీటిని సరఫరా చేసే పైప్‌లైన్‌లో తలెత్తిన లోపాల కారణంగా సరఫరా స్తంభించింది.

గుంటూరు, డిసెంబర్ 11: గ్రామాలు, జిల్లాలను సమగ్రంగా అభివృద్ధి చేసేందుకు ప్రభుత్వం ఎన్ని వనరులు కల్పించినప్పటికీ, ప్రజా భాగస్వామ్యంతోనే సత్ఫలితాలు సాధించవచ్చని సిఎం చంద్రబాబు అన్నారు. శుక్రవారం గుంటూరు జిల్లా నరసరావుపేట మున్సిపాల్టీ శతాబ్ది ఉత్సవాలకు ముఖ్య అతిథిగా హాజరయ్యారు. అంతకుముందు 310 కోట్లతో జరుగుతున్న అభివృద్ధి పనులను సమీక్షించి, స్పీకర్ కోడెల శివప్రసాద రావును పొగడ్తలతో ముంతెచ్చారు.

విజయవాడ : వర్షాలు, వరదల వల్ల రాష్ట్రంలో రూ.3,760 కోట్ల నష్టం వాటిల్లిందని ఆంధ్రప్రదేశ్‌ ముఖ్యమంత్రి చంద్రబాబునాయుడు కేంద్ర బృందాలకు వివరించారు. రాష్ట్రంలో వరదలు, కరవు ప్రాంతాల్లో పర్యటించిన కేంద్ర బృందాలు ఈరోజు విజయవాడలో సీఎం చంద్రబాబుతో వేర్వేరుగా భేటీ అయ్యాయి. ఈ సందర్భంగా వారితో చంద్రబాబు మాట్లాడుతూ రాష్ట్రాన్ని ఉదారంగా ఆదుకోవాలని కోరారు.

హైదరాబాద్ : సరోజనీదేవి కంటి ఆసుపత్రిలో రోగులు ఆందోళనకు దిగారు. గత నాలుగు రోజుల నుంచి ఆసుపత్రిలో నీటి కొరత ఏర్పడింది. దీంతో 108 శస్త్ర చికిత్సలు ఆగిపోయాయి. రోగులు ఇబ్బందులు పడుతున్నా అధికారులు పట్టించుకోవటం లేదని ఆందోళనకు దిగారు. రేపటిలోగా సమస్యను పరిష్కరిస్తామని అధికారులు హామీ ఇవ్వటంతో రోగులు ఆందోళన విరమించారు.