భద్రాచలం, డిసెంబర్ 12: వైకుంఠ ఏకాదశి అధ్యయనోత్సవాల్లో భాగంగా ఖమ్మం జిల్లా భద్రాచలం శ్రీ సీతారామచంద్రస్వామి శనివారం కూర్మావతారంలో భక్తులకు దర్శనమిచ్చారు. కూర్మావతారంలో ఉన్న స్వామిని దర్శించుకునేందుకు భక్తులు అధిక సంఖ్యలో తరలివచ్చారు. ఈ సందర్భంగా రామాలయం, కల్యాణ మండపం పరిసరాలు భక్తులతో కిటకిటలాడాయి. భక్తుల దర్శనం అనంతరం స్వామి తిరువీధి సేవకు వెళ్లారు.

విజయవాడ, డిసెంబర్ 11: డాక్టర్ పిన్నమనేని, శ్రీమతి సీతాదేవి ఫౌండేషన్ రజతోత్సవ పురస్కారాలకు ప్రముఖ వేణునాద విద్వాంసులు పద్మభూషణ్ పండిట్ హరిప్రసాద్ చౌరాసియా, యువ రచయిత హిన్‌దోల్ సేన్ గుప్తాలను ఎంపికయ్యారు.

విశాఖపట్నం, డిసెంబర్ 12: విశాఖ జిల్లా జికె వీధి మండలం పెదవలస గ్రామానికి చెందిన తొమ్మిది మంది మావోయిస్టు ఆర్మ్‌డ్ మిలీషియా సభ్యులు లొంగిపోయినట్టు జిల్లా ఎస్పీ కోయ ప్రవీణ్ చెప్పారు. శనివారం ఎస్పీ కార్యాలయంలో ఏర్పాటు చేసిన విలేఖరుల సమావేశంలో ఆయన మాట్లాడుతూ వీరు గతంలో పలు విధ్వంసాలకు పాల్పడ్డారని చెప్పారు.

పామర్రు, డిసెంబర్ 12: దేశానికి కేటాయింపు జరిగే బయో మాలిక్యులర్ పరిశోధనా సంస్థను కృష్ణా జిల్లా పామర్రు మండలం కొమరవోలు గ్రామం వద్ద ఏర్పాటుకు కృషి చేస్తున్నట్లు సిఐఐ జాతీయ బయోటెక్నాలజీ సభ్యుడు ఎం కృష్ణప్రసాద్ వెల్లడించారు. గ్రామాభివృద్ధి కోసం కొమరవోలును దత్తత తీసుకున్న ముఖ్యమంత్రి చంద్రబాబు సతీమణి భువనేశ్వరి శనివారం గ్రామంలో స్మార్ట్ విలేజ్ కార్యక్రమంపై సమీక్ష నిర్వహించారు.