మొహాలీ: టి-20 వరల్డ్ కప్‌లో రేసులోనే ఉండడమేగాక, భారత్ చేతిలో ఎదురైన ఘోర పరాభవంతో స్వదేశంలో పెల్లుబుకుతున్న అభిమానుల ఆగ్రహం నుంచి బయటపడేందుకు కూడా మంగళవారం న్యూజిలాండ్‌తో జరిగే మ్యాచ్‌లో పాకిస్తాన్ తలపడనుంది. ‘అండర్ డాగ్’ ముద్రతో బరిలోకి దిగినప్పటికీ ఈ టోర్నీలో న్యూజిలాండ్ అసాధారణ ఫామ్‌ను కొనసాగిస్తున్నది. పటిష్టమైన భారత్‌ను ఓడించి సంచలనం సృష్టించింది.

కోల్‌కతా: అంతర్జాతీయ క్రికెట్ మండలి (ఐసిసి) నిర్వహించే వనే్డ, టి-20 ప్రపంచ కప్ చాంపియన్‌షిప్ పోటీల్లో పాకిస్తాన్‌తో ఇప్పటి వరకూ 11 మ్యాచ్‌లు ఆడిన టీమిండియా అన్నింటిలోనూ విజయభేరి మోగించింది. ఇలాంటి అరుదైన రికార్డును సొంతం చేసుకోవడం ఎంతో ఆనందంగా ఉన్నప్పటికీ, వీటి వల్ల ఒత్తిడి మరింతగా పెరుగుతుందని టీమిండియా కెప్టెన్ మహేంద్ర సింగ్ ధోనీ వ్యాఖ్యానించాడు.

బసెల్: భారత ఆటగాడు హెచ్‌ఎస్ ప్రణయ్ ఇక్కడ జరిగిన స్విస్ ఓపెన్ బాడ్మింటన్ టోర్నమెంట్ పురుషుల సింగిల్స్ టైటిల్ కైవసం చేసుకున్నాడు. సెమీ ఫైనల్స్‌లో థాయిలాండ్‌కు చెందిన తనొంగ్‌సక్ సయేసొంబూన్‌సక్‌ను 21-18, 22-24, 21-9 తేడాతో ఓడించిన అతను ఆదివారం నాటి ఫైనల్‌లో మార్క్ విబ్లెర్‌పై వరుస సెట్లలో విజయభేరి మోగించడం విశేషం.

న్యూఢిల్లీ: టి-20 వరల్డ్ కప్‌లో చిరకాల ప్రత్యర్థి పాకిస్తాన్‌ను ఓడించడంలో ప్రధాన భూమిక పోషించిన భారత స్టార్ విరాట్ కోహ్లీపై ప్రశంసల జల్లు కురుస్తోంది. పలువురు ప్రస్తుత, మాజీ క్రికెటర్లతోపాటు ఎంతో మంది ప్రముఖులు, అభిమానులను అతనిని ఆకాశానికి ఎత్తేస్తున్నారు. పాకిస్తాన్‌తో మ్యాచ్ టీమిండియాకు అత్యంత కీలకంగా మారిన నేపథ్యంలో, కోహ్లీ 55 పరుగులతో నాటౌట్‌గా నిలిచి జట్టును గెలిపించాడు.