న్యూఢిల్లీ, మే 2: కేంద్ర ప్రభుత్వం తక్షణమే పార్లమెంట్‌లో ఎస్సీ వర్గీకరణ బిల్లు పెట్టాలని టీఆర్‌ఎస్ ఎంపీలు కవిత, వినోద్ కుమార్, జితేందర్ రెడ్డి డిమాండ్ చేశారు. ఎస్సీ వర్గీకరణ కోరుతూ ఎమ్మార్పీఎస్ అధ్వర్యంలో ఢిల్లీలోని జంతర్‌మంతర్ వద్ద ‘్ఢల్లీ దండోరా’ నినాదంతో ధర్నా నిర్వహించారు. ధర్నాలో టిఆర్‌ఎస్ ఎంపీలు పాల్గొని సంఘీభావం తెలిపారు.

న్యూఢిల్లీ, మే 2: కేంద్ర ప్రభుత్వ ఉద్యోగులు త్వరలో ఏడవ వేతన కమిషన్ చేసిన సిఫారసుల కంటే అధిక మొత్తంలో వేతనాలను అందుకోనున్నారు. ఏడవ వేతన కమిషన్ సిఫారసులపై సమీక్ష జరిపిన కార్యదర్శుల గ్రూపు ఇప్పటికే తమ నివేదికను సిద్ధం చేసినట్లు తాజా వార్తలు స్పష్టం చేస్తున్నాయి. వేతన కమిషన్ సిఫారసుల కంటే కేంద్ర ఉద్యోగులకు అధిక మొత్తంలో జీతభత్యాలు ఇవ్వాలని ఈ గ్రూపు తమ నివేదికలో సిఫారసు చేయడం ఆశ్చర్యకరమైన అంశం.

దిల్లీ: ఎస్సీ వర్గీకరణ విషయమై గతంలో ఇచ్చిన హామీని బిజెపి నిలబెట్టుకోవాలని లేకుంటే రెండు తెలుగురాష్ట్రాల్లో ఆ పార్టీ కనిపించకుండాపోతుందని తెరాస ఎంపీ కవిత అన్నారు. వర్గీకరణ బిల్లుకు తెరాస మద్దతు ఉంటుందని ఆమె సోమవారం ఇక్కడ స్పష్టం చేశారు. ఈ బిల్లు పార్లమెంటులో ఆమోదం పొందేలా సహకరిస్తానని ఆమె ప్రకటించారు.

దిల్లీ: యుపిఎ హయంలో ఎన్నో కుంభకోణాలు జరిగాయని, వాటిని లోక్‌సభలో చర్చించకుండా కాంగ్రెస్ సభ్యులు అడ్డుకుంటూ నీచ రాజకీయాలు చేస్తున్నారని కేంద్రమంత్రి వెంకయ్యనాయుడు విమర్శించారు. ఆయన సోమవారం ఇక్కడ మీడియాతో మాట్లాడుతూ, అగస్టా హెలికాప్టర్ల కుంభకోణం కాంగ్రెస్ పాలనలోనే జరిగిందని, వాటిపై చర్చకు ఆ పార్టీ ఎంపీలు ఎందుకు వెనుకంజ వేస్తున్నారని ప్రశ్నించారు.