దిల్లీ: అగస్టా-వెస్ట్‌ల్యాండ్ వివిఐపీ హెలికాప్టర్ల కొనుగోలులో ముడుపులు అందినట్లు అభియోగాలు ఎదుర్కొంటున్న భారత వైమానిక దళం మాజీ అధిపతి త్యాగిని సోమవారం నాడు సిబిఐ అధికారులు ప్రశ్నించారు. హెలికాప్టర్ల కొనుగోలులో అక్రమాలు జరిగినట్లు ఇటీవల ఇటలీ కోర్టు ప్రకటించిన సంగతి తెలిసిందే. ఆ తీర్పులో త్యాగి పేరును ప్రస్తావించడంతో ఆయన నుంచి వివరాలు రాబట్టాలని సిబిఐ యత్నిస్తోంది.

న్యూఢిల్లీ, మే 1: కార్మికులు లేకుండా పురోగతి సాధించలేమని కేంద్ర కార్మిక, ఉపాధి కల్పన శాఖ మంత్రి బండారు దత్తాత్రేయ అన్నారు. ఆదివారం అంతర్జాతీయ కార్మిక దినోత్సవాన్ని పురష్కరించుకొని కార్మికులకు శుభాకాంక్షలు తెలియజేసారు. ‘‘శ్రమయేవ జయతే’’ నినాదం ద్యారా ప్రతి కార్మికుడికి న్యాయబద్ధమైన వ్యవస్థను సృష్టిస్తూ ఉత్తమ అవకాశాలను అందించేందుకు ప్రయత్నిస్తున్నామని తెలిపారు.

సోలార్ విద్యుత్‌తో నడిచే ఈ-బోట్‌ను ఆదివారం వారణాసిలో ప్రారంభించిన ప్రధాని మోదీ అందులోనే ప్రయాణిస్తున్న దృశ్యం

వారణాసి:దాదాపు 5కోట్ల మంది పేద మహిళలకు ఉపయోగపడే కొత్త పధకం ప్రధానమంత్రి ఉజ్వలయోజనను ప్రధాని నరేంద్రమోదీ తన సొంత నియోజకవర్గం వారణాసిలో ప్రారంభించారు. ఈ సందర్భంగా మహిళలకు ఉచిత గ్యాస్ కనెక్షన్లు, సిలెండర్లు పంపిణీ చేశారు. ఈ పథకం వల్ల పేదలకు ఎంతో ఉపయోగం ఉంటుందని ఆయన అన్నారు.