కేంద్ర ప్రభుత్వం తాజాగా ప్రకటించిన తాత్కాలిక బడ్జెట్‌లో రైతులకు 6 వేల రూపాయలను మూడు విడతలుగా చెల్లించాలన్న నిర్ణయం పట్ల సర్వత్రా హర్షం వ్యక్తమవుతున్నది. కేంద్ర ప్రభుత్వం ఇచ్చే ఈ సహాయం రైతులకు ఎంతోకొంత ఊరట కలిగించనున్నది. ఈమధ్య కాలంలో కొన్ని రాష్ట్రాల్లో అక్కడి ప్రభుత్వాలు పోటీపడి రైతులకు రాయితీలు, ఆర్థిక సహకారాలు అందించటంలో ముందుకు దూసుకెళుతున్నాయి.

మన దేశంలో అతి ప్రధానమైన సమస్యల్లో నిరుద్యోగం ఒకటి. ఇటీవల జరిగిన నేషనల్ శాంపిల్ సర్వే ప్రకారం 2017-18లో దేశంలో 6.1 శాతంగా నిరుద్యోగం వున్నదని, గత 45 ఏళ్ళలో ఇది ఈ స్థాయికి చేరడం మొదటిసారి అని తేటతెల్లమైంది. 2011-12లో 2.2 శాతం ఉన్న నిరుద్యోగిత 2017-18నాటికి 6.1 శాతానికి చేరుకున్నదంటే కారణం పాలక పక్షాల నిర్లక్ష్యమే అనడంలో ఎలాంటి అనుమానం అక్కర్లేదు.

దేశంలో సార్వత్రిక ఎన్నికలు సమీపిస్తున్న వేళ చాలామంది నేతలు ఈవీఎంల ట్యాంపరింగ్ పై పదే పదే మాట్లాడుతున్నారు. ఈ విషయమై ప్రస్తుతం పెద్ద దుమారమే చెలరేగుతోంది. బీజేపీ, కాంగ్రెస్ నేతలు ఒకరిపై ఒకరు ప్రత్యారోపణలు చేసుకుంటున్నారు. ఆంధ్రప్రదేశ్ ముఖ్యమంత్రి చంద్రబాబు నాయుడు సహా చాలామంది రాజకీయ నాయకులు ఈవీఎంలను విశ్వసించడం లేదు. వాటి నిర్వహణ, వినియోగంపై పలు అనుమానాలు వ్యక్తం చేస్తున్నారు.

దేశవ్యాప్తంగా ‘మహాగటబంధన్’పై చర్చ జోరుగా జరుగుతున్నది. మోదీ ప్రభుత్వానికి వ్యతిరేకంగా విపక్షనేతలంతా ఏకమవుతామని అంటున్నారు. కర్నాటకలో దొడ్డిదారిన సంకీర్ణ ప్రభుత్వం ప్రమాణ స్వీకారం చేసిన రోజున చాలామంది విపక్ష నేతలు కలసి పోజులిచ్చారు. ఆ తరువాత ఎవరి దారి వారిదే. తాజాగా ఈ కూటమిలో ఎవరికివారు ప్రధాని కావాలనుకుంటున్నారు. మాయావతి, అఖిలేశ్ జట్టు కట్టారు. మాయావతికి ప్రధాని కావాలనుంది.