విశాఖ: విజయవాడ కేంద్రంగా రాకపోకలు సాగించే 241 రైళ్లు పూర్తిగా, మరో 215 రైళ్లు దారి మళ్లిస్తున్నామని, 361 రైళ్లు పాక్షికంగా రద్దు చేస్తున్నట్లు రైల్వే అధికారులు గురువారం తెలిపారు. రైల్వే సిగ్నలింగ్‌ వ్యవస్థ ఆధునీకరణ పనుల కారణంగా ఈ నెల 20 నుంచి 28 వరకు రైళ్ల రాకపోకలకు అంతరాయం ఉంటుందని ప్రయాణికులు ప్రత్యామ్నాయ మార్గాలు చూసుకోవాలని రైల్వే అధికారులు సూచించారు.

విశాఖ: ఆంధ్రా యూనివర్సిటీలోని మమతా వసతిగృహంలో గురువారం తెల్లవారుజామున కిటికీకి ఉరేసుకుని న్యాయ విద్యార్థి యశస్వి ఆత్మహత్య చేసుకున్నాడు. యశస్వి స్వగ్రామం గుంటూరు జిల్లా చిలకలూరిపేట. వ్యసానాలకు బానిస అయినందున మనస్తాపానికి గురై ఆత్మహత్యకు పాల్పడుతున్నట్లు సూసైడ్‌ నోట్‌లో పేర్కొన్నాడు.

శ్రీశైలం, సెప్టెంబర్ 14: శ్రీశైలంలో కురుస్తున్న భారీ వర్షాలకు కొండ చరియ విరిగి పడింది. లింగాలగట్టులోని పెద్దబ్రిడ్జి వద్ద కొండచరియ విరిగి ఓ పెద్దరాయి పడడంతో ఇంటి పైకప్పు ధ్వంసమైంది. అయితే ఎలాంటి ప్రాణనష్టం జరగలేదు. వివరాలు ఇలా ఉన్నాయి. గత రెండు రోజులుగా కురుస్తున్న భారీ వర్షాలకు లింగాలగట్టులోని కొండచరియలు నాని బండరాళ్లు కిందికి దొర్లుతున్నాయి.

విజయవాడ, సెప్టెంబర్ 14: వ్యవసాయంపైనే ఆధారపడి జీవనం సాగిస్తున్న రైతులు పల్నాడును వదిలి వేరే ప్రాంతాలకు వలసపోతున్నారు. సాగర్ జలాశయం నుంచి నీరు విడుదల కాకపోవడంతో వ్యవసాయం దుర్భరమైపోయింది. పంటలు పండక, పశువులను పోషించలేక ఇతర ప్రాంతాలకు వలసపోతున్నారు. పల్నాడులోని వివిధ మండలాల్లో పరిస్థితులు ఇలా ఉన్నాయి. గుంటూరు జిల్లా రొంపిచర్ల మండలంలో 35వేల ఎకరాల వ్యవసాయ భూమి ఉంది.