S ,7 à 8 RSCA (si SASPAS) et 6 cialis pharmacie cialis rapports de stage.

ఆదివారం

నిర్విషీకరణ

మన ప్రమేయం లేకుండానే మనల్ని మిత్రులు మనల్ని చాలా వాట్సప్ గ్రూపుల్లో చేరుస్తూ ఉంటారు. మనల్ని ఆ గ్రూపులో చేర్చిన వ్యక్తుల మీద గౌరవం కొద్దో లేక ఆ గ్రూపులో వస్తున్న సమాచారాన్ని ఆకర్షించో, చర్చలను చూసో చాలామంది ఆ గ్రూపుల్లో కొనసాగుతూ వుంటారు.
కమ్యూనిటీ లివింగ్‌లో వుంటున్నప్పుడు ఆ కమ్యూనిటీ విషయాలు తెలుసుకోవడం కోసం గ్రూపులో వుండటం అవసరమై పోతుంది. ప్రతి గ్రూపునకు ఓ లక్ష్యం ఉంటుంది. ఓ నేపథ్యం ఉంటుంది. కానీ చాలా మంది మిత్రులు ఆ గ్రూపునకు విరుద్ధమైన వీడియోలను, ఫొటోలను పంపించి చీకాకు కలిగిస్తూ వుంటారు.
వాట్సప్ అనేది ఈ యాంత్రిక యుగంలో ఓ ఆవశ్యకతగా మారిపోయింది. చాలామంది ఈ వాట్సప్‌లకి బానిసలుగా తయారవుతున్నారు. అనుక్షణం మెసేజీలను చూసుకోవడం, మెసేజీలను పంపించడం ఓ వ్యసనంగా మారిపోయింది. చాలామందికి ఇది ఓ నిషా లాగా మారిపోయింది. ఈ నిషాకి కూడా నిర్వీషీకరణ (జూళఆ్యనజచిజష్ఘఆజ్యశ) అవసరం అవుతుంది.
మిత్రులు నన్ను నా ప్రమేయం లేకుండా చాలా గ్రూపుల్లో చేర్చారు. ఏదో ఒక కారణంతో ఆ గ్రూపుల్లో నేను కొనసాగుతున్నాను. ఓ గ్రూపులో వున్న స్నేహితురాలు ఈ మధ్య ఓ మెసేజీని పంపించింది. దాని సారాంశం ఇది - ‘నా స్క్రీన్ టైంని తగ్గించడం కోసం ఈ గ్రూపు నుంచి వైదొలగుతున్నాను. ఇది డిజిటల్ నిర్విషీకరణ మాత్రమే మరేమీ కాదు.’
ఈ నిషా నుంచి కూడా నిర్విషీకరణ అవసరం అవుతుంది. చాలా మంది స్క్రీన్‌కి బానిసలవుతున్నారు. మామూలుగా వుండలేక పోతున్నారు. మా స్నేహితురాలు వాడిన నిర్విషీకరణ అన్న పదబంధం నన్ను బాగా ఆకర్షించింది. డ్రగ్స్, మందుకి అలవాటు అయిన వ్యక్తులకి నిర్విషీకరణ కేంద్రాలు వున్నాయి.
స్క్రీన్ నిర్విషీకరణకి
వాట్సప్‌ల నిర్విషీకరణలకి కూడా ఇలాంటి కేంద్రాలు అవసరమా?
మా స్నేహితురాలి మాదిరిగా మనం వీటికి దూరంగా ఉండలేమా?
మనలని మనం నియంత్రించుకోలేమా?
ఈ వాట్సప్‌ల ప్రపంచంలో ఇది మనకి మనం వేసుకోవాల్సిన ప్రశ్న.
చివరగా ఓ మాట -
మొన్నీ మధ్య
నా మొబైల్ ఫోన్ క్రింద పడి రెండు రోజులు వాట్సప్‌ల ప్రపంచానికి దూరం అయ్యాను.
హాయిగా అన్పించింది.
నా ప్రపంచం ఏమీ ఆగలేదు.
అప్పటి నుంచి డేటాని చాలాసార్లు ఆఫ్ చేసి ఆనందిస్తున్నాను.
మా మిత్రురాలి మాదిరిగా నిర్విషీకరణ దిశకు ఇంకా మరలలేదు.

మంగారి రాజేందర్ ‘జింబో’ 94404 83001