ఓ రామ.. నీ నామ..
Published Saturday, 24 March 2018ఓ రామ నీ నామమేమి రుచిరా
శ్రీరామ నీ నామమేమి రుచిరా !ఓ రామ!
కరిరాజ ప్రహ్లాద ధరణి విభీషణుల
గాచిన నీ నామమేమి రుచిరా !ఓ రామ!
కదళీ కర్జూరాది ఫలముల కదికవౌ
కమ్మన నీ నామమేమి రుచిరా ! ఓ రామ!
నవరసముల కన్న నవనీతముల కంటె
అధికవౌ నీ నామమేమి రుచిరా !ఓ రామ!
పనస జంబూ ద్రాక్ష ఫలరసముల కంటె
అధికవౌ నీ నామమేమి రుచిరా !ఓ రామ!
అంజనతనయ హృత్కమలంబునందు
రంజిల్లు నీ నామమేమి రుచిరా ! ఓ రామ!
శ్రీసదాశివుడు తానేవేళ భజియించు
శుభరూప నీ నామమేమి రుచిరా ! ఓ రామ!
సారములేని సంసార తరుణమునకు
తారకము నీ నామమేమి రుచిరా !ఓ రామ!
శరణన్న జనులను సరగున రక్షించు
బిరుదుగల్గిన నామమేమి రుచిరా ! ఓ రామ!
తుంబుర నారదుల్ డంబమీరగ గా
నంబు చేసెడి నామమేమి రుచిరా ! ఓ రామ!
అరయ భద్రాచల శ్రీరామదాసుని
ఏలిన నీ నామమేమి రుచిరా !ఓ రామ!
*