రియో డిజెనీరో: రియో ఒలింపిక్స్‌లో ఎన్నో రికార్డులు సృష్టించిన జమైకా చిరుత ఉసేన్ బోల్ట్ రాజకీయాల్లోకి రావాలంటూ జమైకా ప్రధాని ఆండ్రూ హోల్నెస్ సాదర ఆహ్వానం పంపారు. బోల్ట్ కోరుకుంటే మంత్రి పదవి ఇచ్చేందుకు కూడా సిద్ధమంటూ జమైకా ప్రధాని బంపర్ ఆఫర్ ప్రకటించారు.

దిల్లీ: ఒలింపిక్స్‌కు వెళ్లిన తొలి భారతీయ జిమ్నాస్ట్‌గా చరిత్ర సృష్టించిన త్రిపురకు చెందిన దీపా కర్మాకర్‌కు శనివారం ఉదయం దిల్లీ విమానాశ్రయంలో ఘన స్వాగతం లభించింది. పతకం చేజారినప్పటికీ, దీప తన అద్భుత ప్రదర్శనతో ఆకట్టుకుంది. దిల్లీ విమానాశ్రయంలో అభిమానులు, మీడియా ప్రతినిధులు దీపకు శుభాకాంక్షలు తెలిపారు. పూలమాలతో సత్కరించారు.

న్యూఢిల్లీ, ఆగస్టు 19: రియో ఒలింపిక్స్‌లో రజత పతకాన్ని సాధించిన భారత బాడ్మింటన్ స్టార్ యావత్ దేశానికే గర్వకారణమని పలువురు క్రీడాకారులు, ప్రముఖులు ప్రశంసించారు. సింధు రజత పతకం గెల్చుకోవడం ద్వారా భారత శక్తిసామర్థ్యాలను ప్రపంచానికి చాటి చెప్పిందని రియో ఒలింపిక్స్‌కు భారత్ తరఫున బ్రాండ్ అంబాసిడర్‌గా వ్యవహరిస్తున్న మాజీ టెస్టు క్రికెటర్ సచిన్ తెండూల్కర్ ట్వీట్ చేశాడు.

రియో డి జెనీరో, ఆగస్టు 19: ‘జమైకా చిరుత’ ఉసేన్ బోల్ట్ స్ప్రింట్‌లో తనకు తిరుగులేదని మరోసారి రుజువు చేశాడు. రియో ఒలింపిక్స్ 100 మీటర్ల పరుగులో స్వర్ణం సాధించిన అతను తాజాగా 200 మీటర్ల విభాగంలోనూ విజేతగా నిలిచాడు. 19.78 సెకన్లలో గమ్యాన్ని చేరిన అతను స్ప్రింట్ డబుల్‌ను సాధించాడు. బీజింగ్ ఒలింపిక్స్‌లో 100 మీటర్లు, 200 మీటర్ల పరుగుతోపాటు 4న100 మీటర్ల రిలేలోనూ స్వర్ణ పతకాన్ని కైవసం చేసుకున్నాడు.