చెన్నై: రాష్ట్భ్రావృద్ధిని చూసి ఓర్వలేక ప్రతిపక్ష పార్టీ బురద జల్లుతోందని తమిళనాడు ముఖ్యమంత్రి జయలలిత విరుచుకుపడ్డారు. అన్నాడిఎంకె ప్రభుత్వంపై చేస్తున్న ఆరోపణలన్నీ అభూత కల్పనలేనని బుధవారం ఆమె విమర్శించారు. ప్రతిపక్షం దుష్ప్రచారాన్ని తిప్పికొడుతూ వచ్చే ఎన్నికల్లో పార్టీ విజయానికి కృషి చేయాలని అన్నాడిఎంకె కార్యకర్తలను ఆమె పిలుపునిచ్చారు. ‘ప్రతిపక్షాలకు పనీపాటాలేదు.

న్యూఢిల్లీ: అత్యంత అనుభవజ్ఞులైన గవర్నర్లు తమ రాష్ట్రం అభివృద్ధికి ఉత్ప్రేరకంగా పని చేయాలని ప్రధాని నరేంద్ర మోదీ పిలుపు ఇచ్చారు. కేంద్రం, రాష్ట్ర ప్రభుత్వాలు టీం ఇండియాగా కలిసి పని చేయాలని ఆయన అభిప్రాయపడ్డారు. మోదీ బుధవారం రాష్టప్రతి భవన్‌లో జరుగుతున్న 47వ గవర్నర్ల సదస్సులో ముగింపు ఉపన్యాసం ఇస్తూ ఈ పిలుపు ఇచ్చారు. రాష్ట్రాలలో గవర్నర్లది అత్యంత కీలకమైన ఉన్నత పదవి.

కోల్‌కతా: పశ్చిమబెంగాల్‌లోని సిలిగురిలో మంగళవారం రాత్రి వీధుల్లో ప్రత్యక్షమైన ఓ ఏనుగు నానా బీభత్సం సృష్టించింది. దీని దాడిలో సుమారు 150 ఇళ్లు, ఆరు భవనాలు ధ్వంసమయ్యాయి. బైకుంతపూర్ అటవీ ప్రాంతం నుంచి తప్పించుకొని వచ్చిన ఈ ఏనుగు ఇళ్ల మధ్యకు రావడంతో స్థానికులు భయాందోళనలకు లోనయ్యారు. గజరాజును బంధించేందుకు అటవీ శాఖ అధికారులు సమాయత్తమయ్యారు.

ముంబై: ముంబై దాడుల కేసులో నిందితుడైన డేవిడ్ హెడ్లీ అమెరికాలోని జైలు నుంచి వీడియో కాన్ఫరెన్స్ ద్వారా ముంబై కోర్టు బుధవారం జరపాల్సిన విచారణ గురువారానికి వాయిదా పడింది. సాంకేతిక లోపం కారణంగా కోర్టు ఈ నిర్ణయం తీసుకుంది. ఈ కేసులో నిందితుడైన హెడ్లీ అప్రూవర్‌గా మారి గత రెండు రోజుల వీడియో కాన్ఫరెన్స్ విచారణలో ఉగ్రదాడికి సంబంధించి అనేక కీలక విషయాలను బహిర్గతం చేసిన సంగతి తెలిసిందే.