గుర్గావ్: అవసరమైతే ప్రభుత్వరంగ బ్యాంకులకు మరిన్ని నిధులను కేంద్రం అందిస్తుందని కేంద్ర ఆర్థిక శాఖ సహాయమంత్రి జయంత్ సిన్హా అన్నారు. బ్యాంకింగ్ రంగంలోని మొండి బకాయిల సమస్య ప్రభుత్వానికి బాగా తెలుసన్న ఆయన ప్రభుత్వరంగ బ్యాంకులకు మరిన్ని నిధులను అందించడానికి తాము సిద్ధమని చెప్పారు. శుక్రవారం ఇక్కడ జరిగిన రెండో జ్ఞాన్ సంగం సందర్భంగా విలేఖరులతో సిన్హా మాట్లాడారు.

న్యూఢిల్లీ: హ్యుందాయ్ మోటార్ ఇండియా లిమిటెడ్ (హెచ్‌ఎమ్‌ఐఎల్).. శుక్రవారం కార్ల ధరలను పెంచుతున్నట్లు ప్రకటించింది. ప్రస్తుతం మార్కెట్‌లో అందుబాటులో ఉన్న వివిధ రకాల మోడళ్లపై కనిష్టంగా 2,889 రూపాయలు, గరిష్ఠంగా 82,906 రూపాయల చొప్పున ధరలను పెంచుతున్నామని స్పష్టం చేసింది. పెరిగిన ధరలు ఈ నెల 1 నుంచే అమల్లోకి వస్తాయని తెలిపింది.

న్యూఢిల్లీ: పసిడి బాండ్ల పథకం మూడో దశను మంగళవారం నుంచి ప్రారంభించనున్నారు. ఇంతకుముందు రెండు దశల్లో ఈ పథకం ద్వారా దాదాపు 1,050 కోట్ల రూపాయల నిధులను కేంద్ర ప్రభుత్వం సమీకరించింది. ఈ క్రమంలో ఈ నెల 8 నుంచి 14 వరకు బాండ్ల కోసం దరఖాస్తులను స్వీకరిస్తామని, 29న బాండ్లను జారీ చేస్తామని ఓ ప్రకటనలో శుక్రవారం కేంద్ర ఆర్థిక మంత్రిత్వ శాఖ తెలిపింది.

వాషింగ్టన్: అంతర్జాతీయ మార్కెట్లలో చమురు ధరలు భారీగా పతనమవడం భారత్‌కు ‘ఎంతో సానుకూల’ అంశంగా పరిణమించిందని, దీని వలన భారత్ ద్రవ్యోల్బణాన్ని గణనీయంగా తగ్గించుకోగలగడంతో పాటు సరుకులు, సేవలపై అధిక మొత్తాన్ని వెచ్చించేందుకు వీలు కలిగిందని అంతర్జాతీయ ద్రవ్య నిధి సంస్థ (ఐఎంఎఫ్) పేర్కొంది. ‘అంతర్జాతీయ మార్కెట్లలో చమురు ధరలు తగ్గడం భారత్‌కు ఎంతో ప్రయోజనం చేకూర్చింది.