కాకినాడ: కాపు కులస్థులకు రిజర్వేషన్ కోసం ఉద్యమిస్తున్న మాజీ మంత్రి ముద్రగడ పద్మనాభం శుక్రవారం ఉదయం 9 గంటలకు కిర్లంపూడిలోని తన స్వగృహంలో భార్యతో కలిసి ఆమరణ దీక్ష ప్రారంభించారు. ఆయన్ను పలకరించేందుకు వివిధ ప్రాంతాల నుంచి ఆందోళనకారులు భారీగా తరలి వస్తారని భావించిన పోలీసులు కిర్లంపూడిలో భారీ భద్రతా ఏర్పాట్లు చేశారు. దీక్షకు ముందు ముద్రగడ దంపతులను వైద్యులు పరీక్షించారు.

విశాఖపట్నం: ‘మేక్ ఇన్ ఇండియా’ పేరుతో భారత ప్రభుత్వం స్వదేశీ పరిజ్ఞానాన్ని ప్రోత్సహిస్తున్న నేపథ్యంలో ప్రభుత్వ నినాదాన్ని అందిపుచ్చుకుని పూర్తి స్వదేశీ పరిజ్ఞానంతో యుద్ధ నౌకలు, ఆయుధాలను తయారు చేయడంలో భారత నౌకాదళం తొలి అడుగు వేయటం ముదావహమని ఎపి ముఖ్యమంత్రి చంద్రబాబు నాయుడు అన్నారు.

హైదరాబాద్: పబ్లిక్ సర్వీసు కమిషన్లు లక్ష్యాలను సాధిస్తూ, ప్రజల ఆశయాలు ఆకాంక్షలకు అనుగుణంగా వ్యవహరించి వారి మెప్పు పొందాలని యుపిఎస్‌సి చైర్మన్ దీపక్ గుప్తా పిలుపునిచ్చారు. వివిధ రాష్ట్రాల పబ్లిక్ సర్వీసు కమిషన్ చైర్మన్ల 18వ జాతీయ సదస్సు ప్రగతి రిసార్ట్సులో గురువారం ప్రారంభమైంది.

విజయవాడ: ఏ సామాజిక వర్గానికీ అన్యాయం జరగకుండా నివేదిక ఇస్తానని బీసీ కమిషన్ చైర్మన్ జస్టిస్ మంజునాథ్ తెలిపారు. ఆయన గురువారం ఇక్కడ సిఎం చంద్రబాబును కలిసిన తర్వాత విలేఖరులతో మాట్లాడుతూ, తనపై ఎంతో నమ్మకంతో ప్రభుత్వం బాధ్యతలు అప్పగించిందన్నారు. కాపులకు సంబంధించి తగిన గణాంకాలు లేనందున అన్ని జిల్లాల్లో పర్యటించి సమాచారం సేకరించాల్సి ఉందన్నారు.