హైదరాబాద్: కడప జిల్లాకు చెందిన సీనియర్ నాయకుడు, మాజీ కేంద్ర మంత్రి కె.సాయిప్రతాప్ గురువారం ఉదయం ఎపి సిఎం చంద్రబాబు సమక్షంలో టిడిపిలో చేరారు. రాజంపేట నుంచి ఆరుసార్లు ఎంపీగా గెలిచిన ఆయన యుపిఎ హయాంలో కేంద్ర సహాయ మంత్రిగా పనిచేశారు. సమైక్యాంధ్ర ఉద్యమ సమయంలో కాంగ్రెస్‌కు రాజీనామా చేశారు. సాయిప్రతాప్ చేరికతో కడప జిల్లాలో తమ పార్టీ మరింత బలోపేతం అవుతుందని టిడిపి నాయకులు భావిస్తున్నారు.

విజయవాడ, మార్చి 23: 21 మంది ఎమ్మెల్యేల మద్దతు ఉంటే, ఒక్కపూటలో ప్రభుత్వాన్ని కూల్చేస్తానని వైఎస్‌ఆర్ కాంగ్రెస్ పార్టీ అథినేత జగన్ అన్నారో? లేదో? తెలియదు కానీ, తెలుగుదేశం పార్టీ దీన్ని ఒక సవాలుగా తీసుకున్నట్టు కనిపిస్తోంది. ఆ 21 మంది ఎమ్మెల్యేలను వైకాపా నుంచి తమ పార్టీలోకి తీసుకురావాలన్న ఆలోచనలో టిడిపి అథినేత ఉన్నారు. ఇందుకు సంబంధించిన కార్యాచరణను మరింత ప్రణాళికాబద్ధంగా చేపట్టనున్నారు.

నెల్లూరు: రాజకీయాల్లో విశ్వసనీయత, వ్యక్తిత్వం ఉండాలని వాటిని మార్గదర్శకాలుగా పాటించాలని చంద్రబాబునాయుడుకు అవి రెండూ లేవని ఉన్నదల్లా అబద్ధాలు చెప్పటం, నమ్ముకున్న వారిని మోసం చేయటమేనని ప్రతిపక్ష నేత వైఎస్ జగన్మోహన్ రెడ్డి విమర్శించారు.

విజయవాడ: సరిగ్గా మరో ఐదు నెలల్లో కృష్ణా పుష్కరాలు ప్రారంభం కానున్నాయి. పుష్కర ఏర్పాట్లు ఎక్కడా కనిపించడం లేదు. గోదావరి పుష్కరాల్లో కూడా ఇటువంటి జాప్యం కారణంగానే హడావుడిగా పనులు చేపట్టారు. అందులో చాలా వరకూ నాశిరకం పనులే జరిగాయన్న ఆరోపణలను ప్రభుత్వం మోయాల్సి వచ్చింది. దీనిపై దర్యాప్తునకు కూడా ఆదేశించాల్సిన పరిస్థితి ఏర్పడింది.