దేవరపల్లి, ఏప్రిల్ 4: పశ్చిమ గోదావరి జిల్లా దేవరపల్లి మండలం దుద్దుకూరులో సోమవారం మధ్యాహ్నం సంభవించిన ఘోర అగ్ని ప్రమాదంలో 38 తాటాకిళ్లు దగ్ధమయ్యాయి. ఈ ప్రమాదంలో ఒక మూడేళ్ల బాలుడు సజీవ దహనమయ్యాడు. ప్రమాద బాధితులంతా క్వారీ కార్మికులే. వివరాలిలావున్నాయి... దుద్దుకూరు ఊరచెరువు గట్టుమీద క్వారీ కార్మికులు నివాసముంటున్నారు.

అనంతపురం, ఏప్రిల్ 4 : రాయలసీమలో భానుడి ప్రతాపం కొనసాగుతూనే ఉంది. సీమలోమార్చి 18వ తేదీ నుంచీ ఎండ మండుతోంది. అప్పటి నుంచీ ప్రతి రోజూ 40 డిగ్రీల సెల్సియస్‌కు తగ్గకుండా ఉష్ణోగ్రతలు నమోదు అవుతుండడంతో జనం ఉక్కిరిబిక్కిరి అవుతున్నారు. అనంతపురంలో సోమవారం జిల్లా సగటు ఉష్ణోగ్రత 41.7 డిగ్రీలుగా నమోదయింది. అత్యధికంగా పుట్టపర్తిలో 46.7 డిగ్రీలు, జిల్లా కేంద్రమైన అనంతపురంలో 43.5 డిగ్రీల ఉష్ణోగ్రత నమోదయింది.

మచిలీపట్నం, ఏప్రిల్ 4: కృష్ణా జిల్లా మచిలీపట్నంలో దివంగత వంగవీటి మోహన రంగా విగ్రహం ధ్వంసంపై ప్రభుత్వం తీవ్రంగా స్పందించింది. రెండు రోజుల క్రితం రంగా విగ్రహాన్ని కొందరు గుర్తుతెలియని దుండగులు ధ్వంసం చేశారు. దీనిపై ముఖ్యమంత్రి చంద్రబాబు ఆదేశాల మేరకు ఉప ముఖ్యమంత్రి, హోం మంత్రి నిమ్మకాయల చినరాజప్ప, పోలీసు ఉన్నతాధికారులు సోమవారం మచిలీపట్నం చేరుకుని పరిస్థితిని సమీక్షించారు.

విజయపురిసౌత్, ఏప్రిల్ 4: శ్రీశైలం జలాశయం నుండి నీటి చేరిక తగ్గుతుండటంతో సోమవారం సాయంత్రానికి నాగార్జున సాగర్ నీటిమట్టం 507.70 అడుగులకు చేరుకుంది. ఇది 127.7989 టిఎంసిలకు సమానం. సాగార్జున సాగర్ జలాశయం నుండి ఎడమ కాలువ ద్వారా 5064 క్యూసెక్కులు, మంచినీటి అవసరాల కోసం హైదరాబాద్ జంట నగరాలకు 808 క్యూసెక్కుల నీటిని విడుదల చేస్తున్నారు. మొత్తం అవుట్‌ఫ్లోగా 5872 క్యూసెక్కులు విడుదల చేస్తున్నారు.